ننگرهار و قندهار ولایت‌لریده محلی مسؤوللرنینگ ایتیش‌لریچه، بوگون «دوشنبه، 18- حمل» تورخم و سپین‌بولدک بندرلری پاکستان نینگ پشاور شهریده بند قالگن یولاوچی‌لرنینگ یوزی گه اوچ کون اوچون آچیلگن.
تورخم بندری ده سکتوری خذمت‌لر بولیم باشلیغی فضل‌الربی همیم نینگ ایتیشیچه، پاکستاندن مملکت گه کیره‌دیگن برچه یولاوچی‌لر تورخم ده جایلشگن اردوگاه ده 14 کوندن باشلب 21 کونگچه قرنطین بولیشه‌دی.
عین حالده، قندهار ولایتی نینگ سپین‌بولدک تومنی‌نی چیگره‌یی کمیساری شریف‌الله غرزی نینگ سلام‌وطندارگه ایتیشیچه، سپین‌بولدک-چمن بندری بوگون ایرته‌لب ایکی تامان نینگ بویوک‌لرینی کیلیشووی اساسیده، آچیلگن.
اونگه کوره، حاضر یالغیز کیم‌لیک یا-ده پاسپورتی بولگن‌لر و شونینگدیک، داکتر اوچون پاکستان کیتگن‌لر مملکت گه کیریشه آله‌دی.
جناب غرزی نینگ کوپه‌یتیریشیچه، پاکستان نینگ چیگره‌یی رسمی‌لری حاضرگه‌قدر بو یولدن ترانزیتی توارلر کیریشی گه رخصت بیریشمه‌گن.
قندهار ولایتی نینگ مدنی فعاللریدن بیرقطاری، اوشبو ولایت بوییچه ساغلیق‌نی سقلش مسؤوللریدن سپین‌بولدک-چمن بندری آرقه‌لی بو ولایت گه کیره‌دیگن کیشی‌لر یخشی شکلده معاینه قیلینیشی‌نی طلب قیلیشگن.
تورخم و سپین‌بولدک بندرلری کمیده بیر آی آلدین کرونا ویروسی رواجلنگنی باعث، کیلیم و کیتیم یوزی گه باغلنگن ایدی.
ساغلیق‌نی سقلش وزیرلیگی تامانیدن بیریلگن رقم‌لر اساسیده، حاضرگه‌قدر مملکت‌ده کرونا ویروسی گه چلینگن‌لردن 11 ته‌سی جان بیرگن و 18 ته‌سی یخشی بولگن.
افغانستانده کرونا ویروسی گه چلینگن‌لرنینگ سانی 367 کیشی گه ییتیشگن و بو آره‌دن 239 ته‌سی هرات ولایتیده بولگن.
