مملکتده مخصوص بیر قوم کیتمه – کیت اولدیریلیشی توغریسیده خواطر بیلدیرگن نمایندهلر مجلسی نینگ اعضالری، بوندهی پلان افغانستان دشمنلری آرقهلی مملکت خلقی ایچیده فتنه اویغاتیش اوچون عملی بولهدی دیگنلر.
مجلس نینگ بوگون (شنبه) اوتکزیلگن عمومی ییغینیده ، بغلان ولایتی تالهوبرفک تومنیده 13 کانچی اولدیریلگن لیگی توغریسیده تشویش بیلدیرگن نمایندهلر حکومتدن بوندهی واقعهلرنی آلدینی آلشنی سورهگنلر.
پارلمان اعضای محمد عارف رحمانی، بیر ییلدن بیری جدی شکلده سیاسی قتللر جریانی بار، بو آقیمده ایسه فقط مخصوص بیر قوم نشانگه آلینهدی دیگن. اونینگ سوزلریگه کوره، کیتمه – کیت اولدیریش قوشنی دولتلرنینگ افغانستان خلقی اورتهسیده مذهبی اوروشنی وجودگه کیلتیریش نیتی دن کیلیب چیقهدی. او، بوندهی اولدیریشلر آلدی آلینمهگن حالده، ملی بیرلیککه زیان ییتکزیشی ممکن دیگن.
نمایندهلر مجلسی نینگ باشلیغی عبدالرووف ابراهیمی حکومت نی تنقید آستیگه آلیب، بوندهی حادثهلر توغریسیده ملی کینگش و افغانستان دین عالملر کینگشی فقط خواطر بیلدیرگنلر، اما پلانلشتیریلگن واقعه آلدی آلینیشی اوچون حکومت تفاوسیز قالگن دیدگن. مجلس نینگ باشلیغی بو قبیل قتللرنی دوام ایتیشی یامان کیلهجککه سبب بولهدی دیگن.
ملی بیرلیک حکومتی اجراییه ریاستی نینگ ایکینچی اورین باسری محمد محقق، تالهو برفک تومنیده 13 کانچی نینگ اولدیریلیشی داعش تودهسی نینگ ایشی دیدی. اونگه کوره، طالبلر حادثه قوللری بارلیگینی رد قیلگن.
باشقه تاماندن بلخ ولایتیده انسان حق و حقوقلری فعالی، یشاووچیلری، دین عالملری و مدنی فعاللر ییغین اوتکزیب، بغلانده اولدیریلگن 13 کانچی واقعهسینی قارهلب حکومتدن بو بارهده بی فرق یاندشمسلیگینی نی طلب قیلگنلر.
سونگی ایکی ییل آقیمیده افغانستان حکومتی نینگ قوراللی مخالفلری مملکتده مخصوص بیر قومنی نشانگه آلیب قتل ایتماقده.
