خلق یول تشکیلاتی نینگ ترانسپورت ملی ییغینی «تی آی آر» بوگون (چهارشنبه) ترانسپورت وزیرلیگی، تجارت و صناعت اتاقی مسووللری اشتراکیده بولیب اوتدی.
افغانستان صناعت و تجارت اتاقی نینگ مدیره هیات اورین باسری محمد یونس مهمند، افغانستان یول خلق ارا تشکیلاتی‌گه اعضا بولیشیدن 4 ییل اوتیشی‌گه قره‌مه‌ی، هنوزگچه فقط 17 کامیون صادراتی تورلرینی «کارنت تیر» حجتی قولگه کیریتیش بیلن منطقه دولتلریگه اوتکزیش‌گه موفق بولگن لیگینی ایتگن. اما، ترکیه، قزاقستان، تاجیکستان و باشقه دولتلرایسه 4 ییل ایچیده 1286 کامیون «کارنت تیر» حجتی قولگه کیرتیش بیلن افغانستان‌گه اوتکزگنلر دیگن.
جناب مهمند بو وضعیت باره‌سیده خواطر بیلدیرگن. «تی آی آر» خلق ارا تشکیلاتی آرقه‌لی افغانستان تجارتی تورلری ایریم مملکتلرگه ییتکزیلیشی بیلن تجارلراوچون قولیلیک یره‌تیلیشی‌گه قره‌مه‌ی، اما افغانستان هلیگچه هم بو سیستم‌ده دییرلی فایده لنه آلمه‌گن دیگن.
تیگیشلی اداره‌لرنینگ همکارلیک قیلمه‌گنی، یول قیین چیلیگی، هیداوچیلرگه ویزه بیرمسلیک، تیر تشکیلاتی توغریسیده هیداووچیلرنینگ دییرلی معلوماتی بولمه‌گنلیگی تیر تشیکلاتیده افغانستان هیداوچیلرنینگ یولی‌ده تورگن اساسی معمالردن حاسبلنه‌دی.
ییغین‌ده سوزله‌گن افغانستان مالیه وزیرلیگی نینگ اورین باسری شفیق‌الله قاری‌زاده، تیر تشکیلاتی آرقه‌لی صادرات و واردات افغانستان خلقی اوچون ایجابی نتیجه بیرگن لیگینی بیلدیرگن. افغانستان میلادی 2013- ییلده ایکینچی مرته یول خلق ارا تشکیلاتی اعضالیگینی کسب ایتدی.
