بیر قنچه مدنی فعاللر ینه کابل یشاووچی‌لری سه‌شنبه کونی اعتراضلی بیر ییغین اوتکزیب توتاپ (ترکمنستان‌دن افغانستان)گه آلیب کیلینه دیگن برق لایحه‌سی بامیان یولی‌دن اوتکزیلشی‌نی سوره‌گن‌لر.
اعتراضچی‌لربیر یریم ییل‌دن بیری، مذکور برق لایحه‌سی مرکزی ولایت‌لر یولی‌دن اوتکزیلیشی اوچون سعی وحرکت آلیب بارگن‌لیکلرینی ایتگن‌لر؛ لیکن، حکومت برچه ایستکلرینی انابت‌گه آلمی بو پروژه سالنگ‌لر یولی‌دن اوتکزیلیشی‌نی تاکیدله‌گن.
اعتراضچیلر، چیت ایل‌لیک شرکت‌لرنینگ بو ساحه‌ده آلیب بارگن تیکشیروی حکومت تامانی‌دن نظرده توتیلمه‌گنلیگینی اظهار قیلگن‌لر. آلمانلیک فیشنر شرکتی افغانستان‌نینگ 20 ییل‌لک برق ماستر پلان لایحه‌سی مسوولیتی‌نی ذمه‌سی‌گه آلگن. بو شرکت بوندن اوچ ییل آلدین اوتکزگن تحقیقی‌ده سالنگ‌لر یولی‌دن کوره بامیان یولی مذکور پروژه تطبق ایتیلیشی اوچون مناسب دیگن ایدی.
اوشبو تیکشیروده بامیان دره‌صوف‌ده‌گی تاش کومر کانی‌گه یقین بولگن لیگی سبب بو لایحه کوپراق مذکور ولایت اوچون فایده‌لی تمام بولیشی معلوم قیلینگن. ایتیلیشیچه، سالنگ‌لر یولی قیشگی قار کوچگی سی و ییر قیمیرلش کبی طبیعی واقعه‌لراوچون بونده‌ی بیر ییریک لایحه‌گه اوتکزیش مناسب ایمس.
اما، افغانستان سوو برق وزیرلیگی‌نینگ مسوول‌لری بامیان‌گه قره‌گن‌ده سالنگ‌لر یولی قیسقه بولگن‌لیگینی اوستون کوریب ایتیشلریچه، اوشبو برق پروژه‌سی سالنگ‌لردن اوتکزیلگن حالده، قیسقه مددت صرفله‌نیب همده 21 میلیون دن 34 میلیونگه قدر دالر صرفلنه‌دی.
اعتراضچیلر حکومت پنج‌شنبه (16- ثورگه قدر) بو لایحه‌نی اوزگرتیرمه‌گن حالده، ییریک نمایش اوتکزیب برچه تنلاولر جمله‌دن دولت لوازملرینی ترک قیلیش‌دن آگاهلنتیرگن‌لر.
ییغین‌ده اشتراک قیلگن هرات ولایتی‌نینگ ولسی جرگه‌ده‌گی وکیلی احمدبهزاد، حکومت بوندن آرتیق اهالی ایسته‌گی‌گه رد جواب بیرمس‌لیگی کیره‌ک دیگن.
بیراق، سوو برق وزیرلیگی‌نینگ سوزلاوچی‌سی علی احمدعثمانی‌نینگ باشقه بیر ییغین‌ده معلوم قیلیشیچه، مذکور لایحه حکومت‌نینگ ماستر پلانی اساسی‌ده قوریلگن انه شو باعث سالنگ‌لر یولی‌دن اوتکزیله‌دی. مملکت سوو برق وزیری، بونده‌ی بیر ییریک لایحه دایکندی و بامیان یولی بیلن اوتکزیلیشی ممکن ایمس دیگن.
جناب عثمانی، اوشبو برق لایحه‌سی بامیان و دایکندی ولایت‌لریدن اوتکزیلگن تقدیرده، 12 ولایت زیان کوریش‌نی بیلدیرگن. شونینگ‌دیک بو لایحه میلادی جاری ییل پایانی‌گه قدر باشلنمه‌گن حالده، بو لایحه عمل‌گه آشیریلیشی اوچون جاپان یاردم کورسته‌جک 12 میلیون دالرنی بیریش‌دن واز کیچشی ایتیله‌دی.
