.JPG)
سیلاولرگه اصلاحات کیریتیش کمیته مسوول‌لری، قانونی قیین‌چیلیک بو کمیته ایش باشله‌شی اوچون توسیق دیب، موجود قیین‌چیلیک حل ایتیلمه‌گن حالده، بو اداره فعالیت‌گه باشله‌میدی دیگنلر.
کمیته سوزلاووچی‌سی زرقا یفتلی‌نینگ سلام‌وطندارگه ایتیشیچه، ملی مجلس تامانیدن جمهور رییس‌نینگ بعضی فرمانلری رد ایتیلیشی کمیته فعالیتی اوچون قانونی بوشلیق وجودگه کیلتیریب، کوپینچه معمالرنی یره‌تگن.
جاری ییل سرطان آییده عالی محکمه، اداره‌لرگه اصلاحات کیریتیش کمیسیون‌لر، انسان حق وحقوقلری، اساسی قانون‌نی نظارت قیلیش کمیسیون، خبرچی‌لر، فعال عیال‌لر و مدنی جماعه‌چیلیک فعال‌لریدن عبارت شخص‌لر سیلاولرگه اصلاحات کیریتیش کمیته‌سی اوچون تانیشتیریلیب، بو کمیته جاری ییل قوس آییده اوز فعالیتی‌گه باشله‌گن ایدی.
تنلاو کمیته‌سی، سیلاولرگه اصلاحات کیریتیش اوچون تنیشیتریلگن 21 کمیشنردن ییتی کیشی‌نی تنلب اونینگ نهایی رویخطی تصدیقله‌نیشی اوچون جمهور ریسس‌گه یوباریلیشی کوتیله‌دی.
.jpg)
خانم یفتلی، موجود معما حل ایتیلمه‌گونگه قدر، تنلاو کمیته‌سی اعضالری ایشلریگه دوام بیرمس‌لیک‌لرینی بیلدیرگن. اونینگ ایتیشیچه، بار قیین چیلیک‌لرنی بر طرف قلیشی اوچون ایکّی یول موجود، بیرینچی نهایی رویخط‌نی عالی محکمه‌گه یوباریش و ایکینچی گزینه ایسه جمهور رییس‌نینگ تقنینی فرمانلری قیته‌دن صادر ایتیلیشی مقصدگه موافق.
تنلاو کمیته‌سی‌نینگ سوزلاووچی‌سی، مذکور کمیته باشلیغی دین‌محمد گران حیات‌دن کوز یومگن، قانونی قیین‌چلیک حل بولمه گن حالده، افغانستان عالی محکمه‌سی بو اداره اوچون باشقه بیر شخص‌نی تانیشتیریشی امکان سیز.
اوتگن کون جمهور رییس سوزلاووچی‌سی‌نینگ اورین باسری سیدظفر هاشمی جناب گران اورنی‌گه باشقه بیر شخص تعین ایتلیشی اوچون فکر اورگه‌نیش باشلنگن دیب، بو توغریده تیزلیکده عملی آدیم‌لر کوتاریله‌دی دیگن.
شونینگ‌دیک هاشمی ملی بیرلیک حکومتی کمیسیونلرگه اصلاحات کیریتیش اوچون اوز وعده‌سی‌گه عملگه قیله‌دی دیگن.
