د ټاکنو خپلواک کمېسیون مرستیال ویاندې شیما علمسروش سلام وطندار ته وویل چې تر یوې اوونۍ پورې به د ولسوالیو د شوراګانو نوماندانو نوم لړ بشپړ او خپور شي.
اغلې علمسروش زیاته کړه، په ۱۵۷ولسوالیو کې د ولسوالۍ شورا ته ښځینه نومانده نهشته او دغه راز، په ۳۷ ولسوالیو کې دې شورا ته هېچا ځان نهدی نومولی چې دې موضوع کمېسیون اندېښمن کړیدی.
د ټاکنو کمېسیون مرستیال ویاندې په وینا، په همدې دلیل په ۱۵۷ ولسوالیو کې ښځینهوو ته وخت ورکړل شوی چې ځانونه د ولسوالیو شوراګانو ته ونوموي.
دې دا هم وویل چې په ۲۰ ولایتونو کې په ټاکنو کې د ګډون په پار د چنګاښ تر ۲۷مې نېټې پورې د نوملیکنې لړۍ وغځول شوه.
دا داسی مهال کې ده چې لهدې مخکې هم د ټاکنو کمېسیون چارواکیو ویلي وو، په هغو سیمو کې چې د ځېنو لاملونو لهمخې د رایورکوونکیو د نوملیکنې لړۍ له ټاکلې نېټې ناوخته پیل شوې؛ دا بهیر وغځول شي.
