آمریکا جمهور رئیسی دونالد ترامپ نینگ اعلان قیلیشیچه، اوشبو مملکت تشقی ایشلر وزیری مایک پمپئو افغانستان‌لیکلر ارا سوزلشوولرنینگ باشله‌نیش مراسمیده اشتراک قیله‌دی.
ترامپ نینگ ایتیشیچه، تشقی ایشلر وزیری دوحه‌گه سفر قیله‌دی. او، خبر بیر ییغینده اوشبو سفرنی «تاریخی» عنوان قیلگن.
امریکا جمهور رئیسی نینگ کوپه‌یتیریشیچه، افغانستانده بولگن حربی‌لرینی 4 مینگ و عراق ده بولگن حربی‌لرینی 2 مینگ گه کمه‌یتیره‌دی.
اوشبو خبری ییغینده ترامپ نینگ ایتیشیچه، افغانستانده بولگن آمریکالیک حربی‌لر فبروری آی دن بویان تلفات کورمه‌گن.
جمهورلیک ریاستی نینگ اعلان قیلیشیچه، مذاکره قیلیووچی هیات‌نی بوگون "جمعه" قطر باشکنتی دوحه شهری‌گه سفر قیلیشی ممکن.
جمهورلیک ریاستی‌گه کوره، افغانستان‌لیکلر ارا سوزلشوولرده ملی مصالحه کینگشی باشلیغی عبدالله عبدالله، تشقی ایشلر وزیرلیگی نینگ سرپرستی محمد حنیف اتمر، تینچلیک بوییچه دولت وزیری سعادت منصور نادری و تینچلیک بوییچه جمهور رییس خاص نماینده‌سی عبدالسلام رحیمی لر اشتراک قیله‌دی.
طالبان گروهی هم، افغانستان‌لیکلر ارا سوزلشوولرنی "شنبه" کونی قطر باشکنتی دوحه شهریده باشله‌نیشی دن خبر بیرگن.
