آمریکا جمهور رئیسی دونالد ترامپ نینگ ایتیشیچه، آمریکالیک کوچلرنی افغانستاندن چیقاره‌دیلر.
اوتگن "سه‌شنبه" کونی آمریکا جمهور رئیسی دونالد ترامپ نینگ خبرچی‌لرگه ایتیشیچه، برچه آمریکالیک کوچلرنینگ مناسب زمان‌ده افغانستانی ترک قیلیش‌لری ممکن.
جناب ترامپ نینگ تاکید قیلیشیچه، آمریکالیک کوچلر افغانستانده یالغیز پولیس نقشی‌گه فعالیت قیلگن. اونینگ تاکید قیلیشیچه، آمریکالیک کوچلرنینگ ینه بیر مرته افغانستان گه باریش‌لری نیاز بولگن صورتده، اولر پولیس صفتیده ایمس، بلکیم «کوره‌شچی‌لر» صفتیده باره‌دیلر.
آمریکا جمهور رئیسی نینگ ایتیشیچه: « بیز 19 ییلدن بویان افغانستانده میز و فکرمچه ییترلی دیر. بیز ایسته‌گن پیت‌ده افغانستانده باره آله‌میز.»
بیراق، نیویارک تایمز کونده‌لیگی نینگ بیلیم منبع‌لردن نقل قیلیب یازیشیچه، دونالد ترامپ جمهورلیک ریاستی سیلاوی نینگ یقینیده، 2016- ییل سیلاویده بیرگن وعده‌لرینی عملگه آشیریش اوچون سعی و حرکت قیله‌دی.
آمریکا و طالبان آره‌سیده امضا ایتیلگن تینچلیک شرطنامه‌گه کوره، آمریکا نینگ افغانستانده بولگن حربی‌لرینی کیله‌جک 4 آی گه‌قدر 8600 گه کمه‌یتیریلیشی ممکن و 14 آی جریانیده اوشبو مملکت برچه حربی‌لرینی افغانستاندن چیقاریلیشی کیره‌ک.
