بوگون "پنجشنبه" تخار حاکمی کرونا ویروسی‌گه قرشی کوره‌شیش اوچون اجره‌تیلگن 104 میلیون افغانی نینگ قنده‌ی شکلده هزینه ایتیلیشی خصوصیده خبرچی‌لرگه معلومات بیرگن.
تخار حاکمی عبدالحق شفق نینگ میدیالرگه ایتیشیچه، تخار ولایتیده کرونا ویروسی‌گه قرشی کوره‌شیش اوچون مرکزی حکومت تامانیدن 104 میلیون افغانی اجره‌تیلگن و مذکور پول نینگ تینیق شکلده هزینه ایتیلیشی خصوصیده معلومات بیریشی‌گه مکلف‌میز.
جناب شفق نینگ ایتیشیچه، اوشبو پول‌دن 14 میلیونی افغانیدن کوپراغی تجرید کسلخانه نینگ ترمیم قیلینیشی‌گه هزینه ایتیلگن.
تخار حاکمی نینگ تاکید قیلیشیچه، کرونا ویروسی‌گه چلینگن‌لر اوچون منظم آذیق-اوقات نظرگه آلینگن و بوتوغریده هیچ‌قنده‌ی خواطر یوق دیر.
اونینگ کوپه‌یتیریشیچه، 9 میلیون افغانی‌گه کرونا ویروسی باعث، وفات قیلگن‌لرنی توپراققه قویش اوچون قبر ساتیب آلیش‌گه اجره‌تگن‌لر. تخار حاکمی‌گه کوره، کرونا ویروسی‌گه چلینگن‌لرنی درمان‌لش مرکزگه 71 کیشی استخدام قیلینگن.
جناب شفق نینگ ایتیشیچه، 19 کیشی خاص مراقبت‌لر بولیمی‌گه استخدام قیلینگن و اولرنی حقوقی مذکور پول‌دن توللنه‌دی
تخار حاکمی نینگ تاکید قیلیشیچه، حاضرگهقدر کرونا ویروسی‌گه شبهه‌لی 13420 کیشی سیناودن اوتکزیلگن و بو جمله‌دن 40 ته‌سی کسلخانه گه بستر بولگن باشقه 30 ته‌سی اوی‌لریده قرنطینه بولگن.
ساغلیق‌نی سقلش وزیرلیگی تامانیدن بیریلگن ارقام‌لرگه کوره، حاضرگهقدر تخار ولایتیده کرونا ویروسی‌گه چلینگن‌لردن 4 ته‌سی هلاک و باشقه 2 ته‌سی درمانلنگن دیر.
