چهارشنبه دن پنج‌شنبه گه اوتر کیچه تخار ولایتی‌نینگ رستاق تومنی‌نی «گنده» قیشلاغیده 4 و 7 یاشلریده بولگن ایکی باله آنهسی تامانیدن اولدیریلگن.
سلام‌وطندارگه صحبت بیرگن تخار پولیس قومندانلیگی‌نی جنایی مدیری حامد استانکزی‌نینگ ایتیشیچه، باله‌لرنینگ آنهسی بولگن عیال ایری بیلن جنجل قیلگنیدن سونگ، ایری نماز اوقیماق اوچون اویدن چیقه‌دی و خاتینی ایسه اوینی قفل قیلیب و ایکی باله‌نینگ باشینی کیسه‌دی.
تخار پولیس قومندانلیگی‌نی جنایی مدیری گه کوره، باله‌لرنینگ آنهسی ایریدن ایناغه‌سی بیلن بولگن قوشمه اویدن اجره‌لیشی‌نی ایسته‌گن و ایری خاتینی‌نینگ ایسته‌گی گه سلبی جواب بیرگنی باعث، بو واقعه یوز بیرگن.
جناب استانکزی‌نینگ ایتیشیچه، مذکور عیال قولگه آلینگن و واقعه توغریسیده تیرگاو اوتکزیلماقده.
بو تخار ولایتیده عایله‌وی زوره‌وانلیک‌لر سبب رویخط‌گه آلینگن نیچینچی واقعه دیر.
