تخار ولایتی‌نینگ درقد تومنیده امنیتی کوچلرنینگ اونلرچه عایله‌سی اویلریدن کوچیش گه مجبورلنگن.
طالبان گروهی نیچه کوندن بویان امنیتی کوچلرنینگ عایله‌لرینی آگاه لنتیریب و اولردن تیزلیک‌ده اوی و جایلرینی ترک قیلیب یا-ده دولت قورالی‌دن وازکیچیش‌لرینی سوره‌گن.
درقد تومنیده محلی پولیس عسکرلریدن بیری نورمحمدنینگ سلام‌وطندارگه ایتیشیچه، طالب‌لر بیر هفته آلدین اونینگ عایله‌سینی درقد تومنیدن چیقارگن.
خواجه بهاوالدین تومنیده مردمی کوچلر قومندانی ملک تاتارنینگ ایتیشیچه، طالبان گروهی ملی اردو، ملی خوفسیزلیک، محلی پولیس و مردمی کوچلرنینگ عایله‌لرینی اوی و جایلرینی ترک قیلیش‌لرینی سوره‌گن.
محل یشاوچی‌لری‌نینگ ادعا قیلیشیچه، طالبان گروهی امنیتی کوچلرنینگ عایله‌لریدن اوی و جایلرینی ترک قیلیش‌لرینی سوره‌گن و ترک قیلمه‌گن صورتده، مذکور گروه گه پول بیریش‌لری کیره‌ک. اولرنینگ ایتیشیچه، قوراللی طالب‌لر شورعرب منطقه‌سیده عمری شهرچه‌سی‌نینگ قوریلیش ایشینی قیته‌دن باشله‌گن.
درقد تومنی‌نینگ ولسوالی مولوی سیف‌الدین، قوراللی طالب‌لرنینگ بو قیلگن ایشلرینی تصدیق‌لب ایتیشیچه، طالبان گروهی امنیتی‌کوچلرنینگ عملیاتی نتیجه‌سیز قالگنیدن سونگ، بو توغریده بویروغ بیرگن.
