تخار ولایتی‌نینگ خواجه بهاوالدین و ینگی قلعه تومن‌لریده طالب‌لرنینگ نظارتیدن چیقاریلگن منطقه‌لر قیته‌دن مذکور گروه‌نینگ نظارتی‌گه اوتگن.
ینگی قلعه تومنی قطار یشاوچیلری‌نینگ ایتیشیچه، طالبان گروهی تامانیدن اویوشتیریلگن گروهی هجوم نتیجه‌سیده، مذکور تومن‌نینگ ایسکی شهری طالبان‌نینگ نظارتی‌گه اوتگن. بیراق، امنیتی کوچلر ینگی قلعه تومنی‌نینگ ایریم منطقه‌لریدن آتیشمس‌دن چیققن‌لر.
اوشبو تومن یشاوچیلری‌نینگ ایتیشیچه، طالبان گروهی کوکچه اطرافیده‌گی تومن‌لردن نابود ایتیلمه‌گن صورتده، هوا ایسیق بولگونگه‌قدر کوپینچه منطقه‌نی نظارت‌گه آله‌دی.
اولرگه کوره، طالبان گروهی اوشبو بازارنی نظارت گه آلگن صورتده، اونی بوزیشی ممکن.
تخار ولایتی‌نینگ ینگی‌قلعه و خواجه بهاوالدین تومن‌لری یشاوچیلری‌نینگ ایتیشیچه، حاضر یالغیز عمری شهری امنیتی کوچلرنینگ نظارتی‌ده قالگن و طالبان‌گه قرشی حربی عملیات هم توخته‌تیلگن.
بیراق تخار پولیس قومندانلیگی‌نینگ امنیت آمری نظام‌الدین غوری‌نینگ ایتیشیچه، امنیتی کوچلرنینگ نظارتی‌گه اوتگن منطقه‌لر حاضرگچه اولرنینگ نظارتی‌ده دیر. اونگه کوره، طالبان‌گه قرشی حربی عملیات تیزلیک‌ده قیته‌دن باشلنه‌دی.
نیچه کون آلدین تخار ولایتی‌نینگ ینگی‌قلعه، خواجه بهاوالدین و درقد تومن‌لریده بیرلشیک امنیتی کوچلر تامانیدن یولگه قوییلگن عملیات نتیجه‌سیده، ایریم منطقه‌لر طالبان گروهی‌دن تازه‌لنگن ایدی.
مذکور منطقه‌لر قیته‌دن طالب‌لرنینگ نظارتی‌گه اوتگن امنیتی کوچلر تامانیدن اویوشتیریلگن عملیات‌لر اونچه‌لیک نتیجه بیرمه‌گنینی کورسته‌دی.
