تخار ولایتی‌ده قطار آقسقال‌لرنینگ داعش بیراغی‌نی کوتاریب یول یوریگن‌لیک‌لری فزیکی اوروش‌گه باعث بولدی. اوتگن کون قطار آقسقاللر تخار ولایتی‌ده برماده مسلمان‌لر اولدیریلگن‌لیگی‌گه قرشی اعتراض بیلدیریب ناراضیلیک نمایش اوتکزگن‌لر. اعتراضچی‌لر مسلمان‌لرگه ضد اویوشتیریله‌دیگن هجوملر توخته‌تیلیشی‌نی سوره‌گن‌لر.
برماده بودایی‌لر و مسلمان‌لر قومی اورته‌سیده یوز بیرگن اوروش‌لرده هنوزگچه اونلب انسان هلاک بولیب و مینگ‌لب خانه‌دان اوز یشش جایی‌نی ترک قیلگن.
اوتگن کون تخارده داعش بیراغی کوتاریلگن‌لیگی اوستیدن کیلیب چیققن مساله، اعتراض‌نی جنجال‌گه تارتگن. ایریم اعتراضیچی‌لر فزیکی اوروش‌گه قول اورگن.
«خلافت سوره‌یمیز» دییه شعار بیرگن نمایشچی‌لرنینگ بو گپی باشقه ایریم‌لرنینگ قرشیلی‌گه سبب بولیب نتیجه‌ده فزیکی اوروش روی بیرگن.
مخالفت‌لرگه قره‌می ینه هم ایریم‌لر داعش پرچمی‌نی کوتاریب « دموکراسی کفر تیزیمی دیر، مدنی جماعه‌چیلیک غرب مدنیتی» دییه شعار بیرگن‌لر.
نمایش‌ده‌گی آقسقاللر اسلامی خلافت ایستیمیزدیگن‌لر.
نمایشنی یول‌گه قویگن‌لردن حکمت کریمی نینگ سلام وطندارگه ایتیشیچه، خلامت «ناموس» و حاضرگی وضعیت‌دن قوتیلیش دیر.
اعتراضچی‌لردن باشقه بیری حیات‌الله حشمتی‌نینگ سوزلرگه کوره، «عراق مجاهدلری» ستم قیلووچیلرگه قرشی آچیق روشده مبارزه قیله‌دی.
عین حالده، ولایت والی‌سی نینگ سوزلاووچی‌سی سنت‌الله تیمورنینگ سلام وطندارگه ایتیشیچه، مدنی اعتراض بیلدیریش هر بیر یشاووچی‌نینگ حقی دیر، اما، حکومت داعش بیراغی‌نی کوتارگن‌لر اوچون بی فرق قالمیدی.
شونینگ‌دیک افغانستان‌نینگ باشقه قطار ولایت‌لریده هم برما مسلمان‌لری اولدیریلگنی‌گه قرشی ناراضیلیک نمایش‌لر اوتکزیلگندی.
