تخار ولایتی نینگ پولیسی، بو ولایتده بیر عسکرنینگ تورموش اورتاغی گه جنسی زورلش گه عیب‌لنگن ناقانونی قوراللی بیر کیشی قولگه آلینگنیدن خبر بیرگن.
جنسی زورلش‌گه عیب‌لنگن منان آتلی کیشی اوتگن کیچه خواجه‌غار تومنیدن قولگه آلینگن.
سلام‌وطندارگه صحبت بیرگن تخار پولیس قومندانلیگی سوزلاوچیسی خلیل اسیرنینگ ایتیشیچه، کمیده ایکی هفته آلدین حربی عسکرلردن بیری، پولیس گه ناقانونی قوراللی بیر کیشی 3 نفری بیلن اونینگ تورموش اورتاغی گه جنسی زورلگنیدن شکایت قیلگن ایکن و نتیجه‌ده، منان قولگه آلینگن. لیکن اونینگ همراهلری حاضرگه‌قدر قولگه آلینمه‌گن.
جناب اسیرگه کوره، منان حاضر ولایت نینگ جنایی جرملرگه قرشی کوره‌ش مدیریتی ده بولگن و دوسیه‌سی تیزلیک‌که قاره‌لاوچیلیک‌که یوباریلیشی خصوصیده قرار قیلینگن.
عیب‌لنگن کیشی بیر ویدیوده قیلگن جنایتی‌نی بوینیگه آلگن. دیمک، منان خواجه‌غار تومنی نینگ ولسوالی ملاعمر تامانیدن حمایت قیلینه‌دی و قولگه آلینمه‌سی ممکن ایدی، بیراق بو ویدیو اجتماعی ترماقلرده قولمه قول بولگنیدن سونگ، پولیس تامانیدن قولگه آلینگن.
میدیالر بیلن صحبت اوتکزگن خواجه‌غار تومنی نینگ ولسوالی، منان اونینگ آدم‌لریدن بولگنینی تصدیقلیدی، بیراق ایتیشیچه، جنایتی اثباتلنگن صورتده، تیرگاوگه آلیش عدلی و قضایی اداره‌لری نینگ وظیفه‌سی دیر.
بوندن آلدین شکایتچی کیشی، خواجه‌غار ولسوالی منان نینگ قولگه آلینیشی گه توسیق بولیشی‌نی بیلدیرگن ایدی.
شو توغریده…
سمنگانده 50 یاشلی بیر کیشی بیر باله‌نی جنسی زورلش‌گه عیب‌لنیب قولگه آلینگن
