سویدن کمیته‌سی تخار ولایتیده مکتب‌نی ترک قیلگن قیزلرگه تعلیم کوریش‌لری اوچون تعلیمی صنف‌لر ایجاد قیلگن.
مکتب‌لرنینگ مختلط بولگنی و عیال اوقووچی‌لرنینگ یوق‌لیگی سبب، قیز اوقووچی‌لر مکتب دوره‌سیده اوقیشدن محروم قاله‌دیلر.
تخار یشاوچی‌لریدن بیری فاطمه، مکتب‌لرنینگ مختلط بولگنی سبب، نیچه ییل آلدین اوقیش‌نی ترک قیلگن ایدی، بیراق قیته‌دن اوقیش‌گه باشله‌گنیدن خرسند دیر.
تخار اوقیتووچی‌لریدن بیری بنفشه نینگ ایتیشیچه، سویدن کمیته‌سی اوقیش‌نی ترک قیلگن اوقووچی‌لرگه قیته‌دن اوقیش زمینه‌سی یره‌تگن و اولر تینچ فضا ده اوقیش‌گه دوام بیره آله‌دی.
تخار ولایتیده سویدن کمیته‌سی باشلیغی نجیبه سنجرنینگ ایتیشیچه، اوشبو برنامه عیال اوقیتووچی بولمه‌گن تومن‌لرده عملگه آشیریله‌دی و اوشبو صنف‌لر اوقووچی‌لرنی اوقیشدن محروم قالیشی‌گه توسیق بولیش اوچون ایجاد ایتلگن.
افغانستان قانونی‌گه کوره، عیاللرنی هم ایرکک‌لر چکه‌سیده تحصیل قیلیش اوچون حقی بار دیر، بیراق عایله‌وی قیین‌چیلیک، ناتوغری رواجلر و مکتب‌لرنینگ مختلط بولگنی سبب، کوپ قطار عیاللر اوقیشدن محروم قالگنلر.
