افغانستان بدخشانی و تاجیکستان بدخشانی آره‌سیده بولگن قوشمه بازار 3 ییل آلدین امنیتی تهدیدلر سبب، باغلنگن ایدی، بوگون "شنبه" ایکی ولایت نینگ محلی مسووللری حضوری بیلن قیته‌دن آچیلدی.
چیگره ایکی تامانی نینگ محلی مسووللریگه کوره، اوشبو بازارنینگ قیته‌دن آچیلیشی بیلن چیگره یشاوچی‌لری برابریده بولگن قیین‌چیلیکلر حل ایتیلگن و مذکور یشاوچی‌لرنینگ اقتصادلری یخشی‌لنیشی زمینه‌سی یره‌تیلگن.
تاجیکستان نینگ بدخشان ولایتی حاکمی یادگار فیض نینگ ایتیشیچه، قوشمه بازار ایجاد ایتیلیشی چیگره ایکی تامانده تیریکچیلیک قیله‌دیگن یشاوچی‌لرنینگ ایشخانه قوریش و اقتصادلرینی یخشی‌لنتیریش‌گه زمینه یره‌ته‌دی.
بدخشان حاکمی اورین باسری اخترمحمد خیرزاده نینگ اوشبو مراسمده ایتیشیچه، بدخشان چیگره‌لریده تیریکچیلیک قیله‌دیگنلرنینگ قیین‌چلیکلریدن کته بیر بولیمی حل ایتیلگن و بو بازار باغله‌نیشی بیلن اولر کته قیین‌چیلیکلر بیلن روپه‌ره بولگن ایدی.
اونینگ ایتیشیچه، بدخشان محلی حکومتی تاجیکستان مملکتی نینگ هماهنگ‌لیگی بیلن قوشمه منطقه‌لرده کوچلی اقتصادی هسته ایجاد قیلیش اوچون سعی و حرکت قیله‌دی.
چیگره ایکی تامانی نینگ محلی مسووللری، کیله‌جکلرده سوداگرلیک کیلیشوونامه امضا ایتیلیشی بیلن تاجیکستان آرقه‌لی افغانستانی چین بازارلریگه وصل قیلینیشیدن امیدوارلیک بیلدیرگن.
