افغانستانده جاری مالی ییل‌نینگ بیرینچی بیش آیی‌ده کته سالیق بیره‌دیگن‌لردن 9.20 میلیارد افغانی سالیق توپلنگن. سالیق وزیرلیگینینگ گمرک‌لر و درآمد اورین باسرلیگی مسؤوللری‌نینگ ایتیشیچه، اوشبو رقم ییل‌نی اوچینچی و تورتینچی حصه‌سی یکونلنگینچه ایکی برابردن کوپراق بولیشی توغریسیده امید بیلدیره‌دیلر.
اولرگه کوره، حاضر مملکت‌ده کمیده 300 کته شرکت فعالیت قیله‌دی و مالی گزارش‌لرینی کته سالیق بیرووچیلرنینگ ریاستی گه ارایه قیله‌دی.
سلام‌وطندارگه صحبت بیرگن سالیق وزیرلیگی‌‌نی گمرک‌لر و درآمد اورین باسرلیگی‌نی عمومی ریاستی باشلیغی عبدالحبیب زدران‌نینگ ایتیشیچه، اوتگن مالی ییل‌نینگ بیرینچی بیش آیی‌ده کته سالیق بیرووچیلردن 9.25 میلیارد افغانی توپلنگن ایکن. اونگه کوره، اوتگن ییل‌ده کته سالیق بیرووچیلر تامانیدن توللنگن سالیق بوتون ایچکی درآمدلرنی 22% تشکیل بیرردی.
سالیق وزیرلیگی‌‌نی گمرک‌لر و درآمد اورین باسرلیگی مسؤوللری‌نینگ ایتیشیچه، بو ییل دولت‌دن قرضدار بولگن سالیق بیرووچیلرنینگ اوتگن ییل‌لر سالیق جرملرینی 95% بخشش بولگن و سالیق بیرووچیلر سالیق جریمه‌لریدن 5% توللب اصلی سالیق‌لری بیلن حساب‌لرینی تازه‌له آله‌دی.
سالیق وزیرلیگینینگ ایش طریقه‌سی اساسیده، ییل‌ده سوداگرلیک دورانی 300 میلیون افغانی‌دن آرتیق بوله‌دیگن شرکت‌لر ایسه، بانک‌لر، مخابراتی شرکت‌لر، امنیتی شرکت‌لر، تصدی‌لر و دولتی شرکت‌لر کته سالیق بیرووچیلردن سنله‌دی.
