(RSF) یا چیگره بیلمس خبرچیلر تشکیلاتی جاری ییل جریانی‌ده 100 گزیته‌چی اولدیریلگن دیگن. بو تشکیلات‌نینگ ینگی ترقتگن گزارشی‌ده یازیلیشیچه، اوشبو سانده‌گی خبرچیلر مسلک‌لری یا – ده باشقه دلیل‌لر سبب سیر روش‌د‌ه قتل ایتیلگن‌لر.
گزاش‌ده کیلیشیچه، اوشبو خبرچیلر 67ته‌سی‌نینگ اولدیریلگن‌لیگینی سبب گزیته‌چیلیگی باعث بولگن.
مذکور تشکیلات اوزی‌نینگ گزارشی‌ده، ایریم مملکت‌لرنی خبرچیلر و گزیته‌چی‌لر جانی خو‌ف‌سیزلیگینی تامین قیلیش‌گه جدی اعتبار بیرمه‌گن‌لیگیدن تاسف بیلدیرگن. بو اداره، برچه دولت‌لردم مساله اوچون جدی عکس‌ا‌‌‌‌‌‌‌لعمل کورسه‌تیشلرینی طلب قیلگن.
گزارش‌لرده، 2005- ییلدن بیری 787 گزیته‌چی همده مدیا فعال‌لر اولدیریلگنی قید ایتیلگن. چیگره بیلمس تشکیلاتی‌نینگ گزارشگرلری اوشبو خبرچی‌لری اتَه‌ین زوروان‌لیک‌لر نتیجه‌سیده قربان ایتیلگن‌لر دیگن.
اوشبو گزارش‌ده عراق خبرچیلر اوچون اینگ خطر مملکت حسابلنگن و شونینگ‌د‌یک اورپا مملکت‌لری ایچیده فرانسه بیرینچی اورپایی دولت صفتیده خبرچیلر اوچون اینگ خطرلی بولگنی باعث اوچینچی اورین‌ده تورگن. اوشبو رویخط‌ده فرانسه نی اورین آلیشی‌گه بیرینچی دلیل جاری ییل جنوری آیده هیدو و شارلی هفته‌نامه‌لری ترورچی‌لر تامانیدن هجوم آستی‌گه آلیشی‌نی بولگن.
چیگره بیلمس خبرچیلر تشکیلاتی‌گه کوره، بو ییل خبرچی‌لرنینگ کوپچیلیگی «تینچ‌لیک» زمانی‌ده اولدیریلگن‌لر. حال بوکه اوتگن ییل اوروش زمانی‌ده بو قدر خبرچیلر اولدیریلمه‌گن.
بو تشکیلات‌نینگ باش محریری کریستف دولوار مذکور گزارش باره‌سیده ایتیشیچه، خبرچیلر جانی امنیتی تامین ایتیلیشی اوچون تیزلیک‌ده خلق ارا حل یول قدیریلیشی کیره‌ک. جناب دولوار بیرلشگن ملت‌لر تشکیلاتی‌نینگ باش کاتبی بانکی موندن خبرچیلر و گزیته‌چی‌لر جانی امنیتی تامین ایتیلیشی اوچون مخصوص نماینده تعین قیلیش‌نی سوره‌گن.
بیرلشگن ملت‌لر تشکیلاتی هم بوندن نیچه وقت آلدین (6 آگوست)ده اوزی‌نینگ ییل‌لیک گزارشی‌نی نشر قیلیش چاغی‌ده خبرچیلر و گزیته‌چی‌لر اولدیریلیشی حقیده قتیق خواطر بیلدیرگن ایدی.
افغانستانده خبرچیلر حق و حقوقی‌نی مدافعه قیلیووچی اداره‌لرنینگ ترقتگن گزارشی‌ده جاری ییل‌ده مملکت بویلب 105 خبرچی ایریم زوروان‌لیک‌لرگه روپه‌ره بولگن و 4 خبرچی ایسه اولدیریلگن. اوشبو زوروان‌لیک‌لر فیزیکی، روانی، جنسی و حقوقی یانده‌شیش‌لردن عبارت.
