.jpg)
اسلامی 34 مملکت بیر بولیب دنیا بویلب ترورچیلرگه قرشی کورشماقچیلر. بو ایتلاف سعودیه عربستان رهبرلیگیده بولیب، بویوروغ مرکزی ریاض دیر.
ایش بیلرمانلردن کوپیسی بو ایتلاف عربستاننی عصیانچی گروهلردن ینگی طرزده حمایت قیلیشی دیب بیلهدیلر.
ایش بیلرمانلرگه کوره، سعودیه عربستان سابق ترورچیلردن قیلگن حمایتلرینی یاشیرماقچی بولیب بو حرکتنی باشلهگن.
اوتگن کون اسلامی ایتلاف بیر بیانیه ترقهتیشی بیلن تشکیل ایتیلدی. بو بیانیهده کیلیشیچه، مذکور مملکتلر حربی بیر ایتلاف توزهتیشلری بیلن، مسلمان اولکه لرده بولیب کیلهدیگن ترورچیلیک، فساد و عصیانچیگرلیکلرگه قرشی کورشهدیلر.
شونینگدیک بیانیهده اسلامی ایتلاف بینالمللی ترورچیلرگه قرشی کورهشیب، دنیا بویلب تینچلیک و برقرارلیکدن حمایت قیلیش نیتیده «اورتاق اولکهلر بیلن، جهانی جامعهسی تینچلیک» یاردمی و اویغونلیگی بیلن بولیشی ممکن دیب کیلگن.
ایش بیلرمانلردن محمد ناطقینینگ سلاموطنداربیلن بو بارهده قیلگن صحبتده ایتیشیچه، بو ایتلاف عضوی بولگن اولکهلرنینگ ترورچیلر کیلیب چیقیشی و حمایت بولیشی بارهسیده قولی بولگن ایدی و حاضرهم بولر نظری آستیده دیر. جناب ناطقیگه کوره، عربستان بو حرکتی بیلن اوزیگه موافق بولگن ترورچی گروهلرنی حمایت و قرشی گروهلرنی نابود قیلهدی.
ناطقی نینگ ایتیشیچه، ریاض دنیانینگ نارضایتی اوچون باشقه اولکهلرنی هم اوزیگه اورتاق آلماقچی.
دینی بیلیمدان محمد محق هم بو ایتلاف رهبرلیگی آلدینلرده ترورچیلرگه قرشی کورهشیش بارهسیده یخشی اوتمیشی یوق دیدی و طالبلرنینگ افغانستان کوچلنیشی بارهسیده ایریک حامیسی اوشبو مملکت بولگن.
جناب محق عربستاننی سوریه و عراق اولکهلریدهگی داعش گروهینینگ حمایت قیلیشگه عیبلیدی و بو ایتلاف ایجاد بولیشی هم حقیقتلرنی یاشیریش اوچون بولگن دیدی.
اونینگ ایتیشیچه، عربستاننی ینگی سیاستی اوچون بینالمللی جامعهسیگه جدی نیازی بار ایدی و اوزی ترورچیلرگه قرشی کورهشیش اوچون شو سیاست دیگن تنلهگن.
بو ایش بیلرمانلرگه کوره، افغانستاندهگی ترورچیلرنی حمایت قیلهدیگن اولکهلر برچهسی اوشبو ایتلاف عضوی بولگن.
سعودیه عربستان، اردون، عربی بیرلشمه اماراتی، بحرین، بنگلهدیش، بنین، پاکستان، تورکیه، توگو، تونیس، جیبوتی، چاد، ساحل عاج، سنگال، سودان، سومالی، مالزی، مالی، مراکش، مصر، موریتانی، نیجر، نیجریه و یمن بو بینالمللی ایتلاف اعضاسی بولگن.
شوحاضر عربستان عراق و سوریهده داعشگه قرشی امیریکه رهبرلیگیده بولگن جهانی ایتلاف عضوی دیر و شونینگدیک یمن دولتیدن حوثی جنگریلریگه قرشی حربی حمایت قیلووچیسی هم دیر.
