صنعت و سوداگرلیک وزیرلیگی مسئوللری تورخم بندری بیر هفته‌ده 6 کون آچیق بولیشی‌دن خبر بیرگن. اولرنینگ ایتیشیچه، شونینگدیک قندهارده اسپین بولدک – چمن بندری هم بیر هفته‌ده 6 کون آچیق بولیشی ممکن.
بوگون (شنبه 27- ثور) مذکور وزیرلیک سرپرستی اجمل احمدی بیر توییت یازیب ایتیشیچه، فطر بیره‌می دن کیین افغانستان نینگ صادراتی بو بندر آرقه‌لی باشلنه‌دی.
اونگه کوره، صادرات و واردات بولیمی‌ده سوداگرلرگه قوله‌یلیک یره‌تیش اوچون سعی و حرکت قیله‌دیلر.
عین حالده، کابل بوییچه اسلام‌آباد ایلچی‌خانه‌سی نینگ اعلام قیلیشیچه، پاکستان دولتی بو مملکتده بند قالگن افغانستانلیکلر یوزیگه تورخم بندری نی آچگن.
ننگرهار حاکمی سوزلاوچیسی عطاالله خوگیانی نینگ سلام‌وطندارگه ایتیشیچه، بوگون یکونلنگونگه قدر کمیده 5 مینگ یولاوچی پاکستان دن افغانستان کیریشی ممکن.
تورخم و سپین‌بولدیک بندرلری کرونا ویروسی باعث کیلیب – کیتیش یوزیگه باغلنگن ایدی. بیراق نیچه وقت آلدین پاکستان هفته‌ده 5 کون یالغیز سوداگرلیک توارلر یوزیگه آچیلیشی نی اعلام قیلگن ایدی.
صنعت و سوداگرلیک وزیرلیگی نینگ ایتیشیچه، اوشبو بندرلرنینگ یاپیق قالیشی وارداتی توارلر بهاسی اوستیگه تأثیر قوییب و شونینگدیک سوداگرلرگه قیینچیلیک چیقارگن.
