بیرلشگن ملتلر تشکیلاتی، افغانستان رسمیلری نینگ فسادگه قرشی کوره‌ش اوچون ایریک معمالرنی حل ایتگن‌لیگی باره‌سیده معلومات آلگنلر.
افغانستان اوچون بیرلشگن ملتلر تشکیلاتی نینگ خاص نماینده‌سی تدامیچی یاماموتو بو حقده گزارش ترقه‌تیب ایتیشیچه: «یوتوغلرنی بیرلشگن ملتلر تشکیلاتی خوش قرشیلیدی و افغانستان حکومتی نینگ فسادگه قرشی کوره‌ش، معافیت فرهنگی‌گه نقطه قویش، تینیق شکلیده ایشانچلی حساب آلیش و مالی و عامه خدماتلر اوچون تینیقلینی سقلش باره‌سیده حمایت قیله‌دی.»
اوشبو تشکیلات «افغانستانده فسادگه قرشی کوره‌ش ایکینچی اوروش میدانی» عنوانلی گزارشیده افغانستاننی فسادگه قرشی کوره‌ش یوتوغلرینی کورستگن. شونینگدیک اوشبو گزارشده دولت قنده‌ی قیلیب خلق و خلق ارا یاردمچی مملکت‌لر کومکیده حاضرگی یوتوغلرینی سقشگه قوشیمچه یوکسلتیریش باره‌سیده دنیا معیارلریگه تینگ پیشنهادلرنی آلغه سورگن.
جناب یاماموتونینگ کوپه‌یتیرشیچه، افغانستان حکومتی بولرنی یخشی نتیجه آلیش و اویغونلیک بیلن آلغه باریش اوچون پیشنهادلرینی قبول قیلیشی‌گه امید بیلدیره‌دی.
افغانستان اوچون بیرلشگن ملتلر تشکیلاتی نینگ خاص نماینده‌سی، اداری فسادگه قرشی کوره‌شده حکومت، یشاوچیلر و خلق ارا حمایت‌لرگه نیاز بارلیگینی بیلدیره‌دی.
اوشبو اولتیریشده مملکت عدالیه وزیری عبدالبصیر انور نینگ ایتشیچه، حکومت فسادگه قرشی کوره‌ش اوچون انیق لایحه‌لرنی باشله‌گن.
بو گزارش ترقه‌تیلمسدن آلدین تیگیشلی وزارت خانه‌لر و افغانستان قضایی نهادلریگه نظرلرینی آلیش اوچون یوباریلگن ایکن، کورینیشیچه، فساد یشاوچیلرنینگ دولتی اداره‌لرگه نسبتن ایشانچلری آزه‌یگن و مملکتده تینچ‌لیک و آسایشته‌لیک کیلتیریش باره‌سیده تلاش قیله‌دیلر.
گزارشده اداری فسادگه قرشی کوره‌ش عدلی و قضایی مرکزینی افغانستان حکومتی تامانیدن فسادگه قرشی کوره‌ش اوچون اونملی بیر ایش ایکن‌لیگیگه اشاره قیلنگن.
فساد یوکسک دوسیه‌لری تیکشیریلیشی، پول یوویش، بوزیش و یا فرهنگی تاریخی آثارلرنی ساتیش، ایچکی و تشقی امنیت برابریده جرملر، ناقانونی شکلده کانلرنی چیقاریش و ییر یوزینی غضب قیلیش دوسیه‌لری اوشبو مرکز تامانیدن تیکشیریلگن دیگن.
