انسان حقلری ایرکین کمیسیون مسؤوللری‌نینگ ایتیشیچه، مملکت‌نینگ جزا کودی ده بچه‌بازلیک جرم سنله‌دی؛ بیراق حاضرگه‌قدر بو توغریده کیم‌سه قماققه تشله‌نیب یا-ده محکمه بولمه‌گن.
عین حالده، حکومت مسؤوللری‌نینگ ایتیشیچه، انسان قاچاقی‌گه قرشی کوره‌ش اوچون ایجابی برنامه‌لرنی عمل‌گه آشیرگن.
«پنج‌شنبه» کونی کابل‌ده اوروش‌دن زیان کورگن باله‌لر اوچون کانادالیک مؤسسه‌سی، «انسان قاچاقی آلدی آلینیشی اوچون دادخوهلیک ملی کنفرانسی» نامی‌ده ییغین یولگه قویگن ایدی.
اوشبو ییغین اشتراکچی‌لری‌نینگ ایتیشیچه، انسان قاچاقی و بچه‌بازلیک موضوعلری‌نینگ آلدی آلینیشی اوچون حاضرگه‌قدر هیچ بیر ایش بولمه‌گن و شونینگدیک، بو موضوعلرگه قرشی کوره‌ش اوچون ایجاد ایتیلگن اداره‌لر، ایش‌لرینی یخشی بیر شکلده عمل‌گه آشیرمه‌گن.
انسان حقلر کمیسیونی‌ده باله‌لر حقی‌دن حمایت قیلوچی بولیمی‌نینگ عمومی باشلیغی نجیب‌زدران ببرکزی‌نینگ ایتیشیچه، افغانستان‌ده بچه‌بازلیک قربانی‌لری یاردم‌دن محروم قالگن و کوپینچه قربانی‌لر قشاق و کم‌بغل باله‌لر دیر.
مدافع وکیللر نماینده‌سی سمیه سادات‌نینگ ایتیشیچه، افغانستان‌ده انسان قاچاقی توغریسیده قانون بار و بو قانون اساسیده انسان قاچاقی‌گه قرشی کوره‌ش عالی کمیسیون ایجاد ایتیلگن؛ بیراق بو حاضرگچه بیر اونملی ایش قیلمه‌گن.
سادات‌گه کوره، بچه بازلیک عاملری‌نینگ کوپینچه‌سی زوره‌وانلر دیر و حاضرگچه مذکور موضوع عامللریدن بیرته‌سی هم قولگه آلینمه‌گن.
اونینگ کوپه‌یتیریشیچه، کوپینچه موردلرگه قانون تطبیق ایته‌دیگنلر، جمله‌دن پولیس قانون‌نی نقض ایته‌دی.
باشقه بیرتاماندن انسان قاچاقی‌گه قرشی کوره‌ش عالی کمیسیونی‌نینگ فنی کمیته باشلیغی محمدامان ریاضت‌نینگ ایتیشیچه، افغانستان حکومتی انسان قاچاقی توغریسیده بی‌فرق یانده‌شمی و بو موضوع حقیده قوشمه بیر کمیسیون ایجاد قیلگن.
ریاضت‌گه کوره، ینگی‌لیکده انسان قاچاقی توغریسده افغانستان نینگ اونملی و چیگره ولایت‌لریدن 10 ته‌سی گه معلومات مرکزی قوریلگن.
ریاضت‌نینگ کوپه‌یتیریشیچه، باشقه کیشی‌لرگه کوره باله‌لر، عیاللر و کم‌بغل‌لر انسان قاچاقی دن ضرر کوره‌دیگن کیشی‌لر دیر.
بو ییغین‌ده 6 ولایت‌دن قطار کیشی‌لر اشتراک قیلیب ایتیشیچه، حکومت مذکور موضوع عامللری بیلن جدی شکلده توقنه‌شیشی کیره‌ک.
