.jpg)
ایکی کون آلدین جمهور رییس حضوریده مخابرات وزیرلیگی بیلن 11 میلیون دالرلیک قراردادنی امضا قیلگن شرکت‌نینگ هیچ‌قندی نام و نشانه‌سی یوق و بو قرارداد ده «کته فساد» بارلیگی آشکار.
بستوس شرکتی مخابراتی درآمدلردن گزارش بیریش اوچون بیر سیستمه ایجاد قیلیش‌گه قرار قیلگن و بو سیستمه‌دن مقصد مخابرات درآمدلرگه تینیق‌لیک کیلتیریش و 10% مالیه آلیش توغریسیده اهالی ایشانچی‌نی قولگه کیلتیریش دیر.
بستوس شرکتی‌نینگ 1395-ییل 28 میزان‌ده توزه‌لگن بیر فیسبوک صحیفه‌سی بار. او تاریخدن اوتگن کون‌گه‌قدر 4 پُست ترقه‌تگن، فعال ایمس ایکن. بیراق بوگون "جمعه" بُستوس شرکتی‌نینگ فیسبوک صحیفه‌سی نامعلوم دلیل آرقه‌لی حذف ایتیلدی.
بُستوس شرکتی‌نینگ باشلیغی «جوشووا جی بُستوس» آتی‌ده بیر کیشی دیر. معلومات‌لرگه کوره، بوندن آلدین صافی هوایی شرکتی‌نینگ سوداگرلیک بولیمی مدیری ایکن و بیردن «ریل‌تایم» قراردادی‌نی آلگن.
.jpg)
بُستوس شرکتی‌نینگ وب‌سایتی‌نی «حقمل» آت‌لی بیر افغانستان‌لیک شرکت ایجاد قیلگن. حقمل شرکتی‌نینگ باشلیغی جناب حقمل 2016- ییل جنوری آی‌ده «جوشووا جی بستوز» نینگ یوزلیگی‌نی وزیراکبرخان مسجدی‌نینگ امامی ایاز نیازی بیلن بیرلیکده ترقه‌تیب بُستوس شرکتی‌نینگ باشلیغی‌نی مسلمان بولگنی‌دن خبر بیرگن ایدی.
بُستوس شرکتی وبسایتیده 1300 شغل فرصتی‌نی ایجاد قیلگنی یازیلگن و شونینگدیک بو شرکت‌نینگ تحلیل و تجزیه‌سی‌گه کوره، مذکور شرکت‌نی 3 ایشلاوچی‌سی بار.
اوشبو قرارداد خصوصیده مملکت سابق مخابرات وزیری عبدالرزاق واحدی‌نینگ ایتیشیچه، «فسادنی افشا قیلیش اوچون فوق‌العاده حجت‌گه نیاز ایمس. سیزلر هم سعی و حرکت بیلن بو موضوعی‌نی ثابت قیلیش‌گه موفق بوله‌سیزلر.»
تکنالوژی ایش بیلرمانلریدن بیری سجاد رجایی‌نینگ سلام‌وطندارگه ایتیشیچه، بُستوس شرکتی‌نینگ سودا سطحی قوی ایکن اوشبو موضوعنی وب‌سایتی‌گه باش اوریش بیلن درک قیلیش امکانی بار. ریل‌تایم سیستمه‌سینی ایجاد قیله‌دیگن شرکت، بوندی ضعیف و کیفیت‌سیز وب‌سایت‌گه صاحب بولمه‌یدی.
.jpg)
جناب رجایی‌نینگ ایتیشیچه، شونینگدیک بیر چیت‌ایللیک شرکت بیلن قرارداد امضا قیلیش‌گه نیاز ایمس و افغانستان شرکت‌لری کم هزینه بیلن ریل‌تایم سیستمه‌سینی ایجاد قیله آله‌دی.
جمهورلیک ریاستی‌نینگ بو گزارش‌گه قرشی کیلیب ایتیشیچه، بُستوس شرکتی بیلن قرارداد امضا قیلیش مخابرات وزیرلیگی‌گه تیگیشلی دیر و مخابرات وزیرلیگی‌نینگ سوزلاوچیسی سایر زلاند نینگ سلام‌وطندارگه ایتیشیچه، مخابرات وزیرلیگی‌نی بو قرارداد ده عملی قیلیش نقشی یوق دیر.
بو توغریده تدارکات کمیسیونی‌نینگ فکرینی آلیش اوچون سعی و حرکت قیلدیک، بیراق موفق بولمه‌دیک.
