سلام‌وطندارگه صحبت بیرگن غور ولایتی‌نینگ 20 یاتاقلیک کسلخانهسی باشلیغی محمدعمر لعل‌زادنینگ ایتیشیچه، مذکور کسلخانه‌گه بنگی‌لر کوپ مراجمعت قیلیش‌لری باعث، کسل‌لردن بیرقطاری دارولنیشی اوچون نوبت گه قوییله‌دی.
اونینگ ایتیشیچه، غور ولایتیده بولگن بنگی‌لردن 5 فایزی دارولنیشی اوچون بو کسلخانه‌ده امکانیت بار.
لعل‌زادنینگ ایتیشیچه، باله‌لر و عیاللر شامل هرکون 5-6 بنگی دارولنیشی اوچون بو مرکزگه مراجعت قیله‌دی.
غور ولایتی‌نینگ بنگی‌لر کسلخانهسی باشلیغی گه کوره، مذکور کسلخانه ده ییترلیچه جای و مناسب یاتاق یوق دیر.
غور ولایت کینگشی اعضاسی سخی جاوید، بنگی‌لرنینگ میزانی آشگنیدن خواطر بیلدیریب ایتیشیچه، مذکور ولایتده بولگن بنگی‌لرنینگ کوپینچه‌سینی بنگی‌وار ماده زیانیدن خبرسیز کیشی‌لر تشکیل بیره‌دی.
غور ولایتی ساغلیق‌نی سقلش ریاست سرپرستی عبداللطیف رحیمی، موجود قیین‌چیلیک‌لرنی تصدیق‌لب ایتیشیچه، دارولنگن بنگی‌لر ایش بیلن تأمین‌لنمه‌گنی سبب، اولر قیته‌دن بنگی‌وار ماده گه یول کیلتیره‌دیلر.
جناب رحیمی گه کوره، بنگی‌لرنی دارولش مرکزی‌نینگ امکانیتی کَم بولگنی توغریسیده‌گی موضوع مرکزی حکومت رسمی‌لری بیلن شریک قیلینگن؛ بیراق حاضرگچه بو توغریده سعی و حرکت قیلینمه‌گن.
غور ولایتیده 20 یاتاقلیک کسلخانه مسووللریگه کوره، 2005- ییل‌ده اوتکزیلگن تیکشیروو اساسیده، کمیده 50 مینگ بنگی اوشبو ولایتده موجود دیر و حاضرگه قدر بو رقم میزانی یوقاری کیتگن.
