ننگرهار ولایتی‌ینگ اچین تومنی‌ده داعش گروهی‌گه قرشی آتیلگن بمب‌لر آنه‌سی ناملی بمب‌نی خوش قرشی‌لگن اجراییه باشلیغی داکتر عبدالله عبدالله‌نینگ ایتیشیچه، افغانستانده عصیانچیلر اوچون قیغوداشلیک بیلدیریش‌گه اورین یوق و عصیانچیلر بیلن بیرگه مملکت برقرارلیگی‌نی تهدید قیله‌دیگن‌لر، دوشمن سنله‌دی.
اجراییه باشلیغی‌گه کوره، ملی بیرلیک حکومت، دولت‌گه قرشی قوراللی عصیانچیلرنی نابود ایتیش خصوصیده، جدی قرار قیلگن.
بوگون «دوشنبه» وزیرلر کینگشی‌ده نطق سوزله‌گن اجراییه باشلیغی عبدالله عبدالله، ننگرهار ولایتی‌نینگ اچین تومنی‌ده داعش گروهی‌گه قرشی آتیلگن بمب‌لر آنه‌سی ناملی بمب‌نی خوش قرشی‌لب ایتیشیچه، عصیانچیلرگه قیغوداشلیک بیلدیریب مملکت برقرارلیگی‌نی تهدیدگه روپه‌ره قیله‌دیگن‌لر، افغانستان‌نینگ دوشمنی سنله‌دی.
اجراییه باشلیغی‌گه کوره، اوشبو آتیلگن بمب آرقه‌لی مملکت یشاوچی‌لریدن یوزلرچه‌سی‌نینگ اولیمی‌گه سبب بولگن داعش گروهی قومندانلری نشانگه آلینگن.
جناب عبدالله‌نینگ ایتیشیچه، ملی بیرلیک حکومتی‌ده افغانستان اهالیسی‌نینگ دوشمن‌لرینی صفی معلوم بولگن و بو صف تامانیدن هر بیر قرار آلینسه، مملکت منفعتی‌گه ایمس دیر.
ننگرهار ولایتی‌نینگ اچین تومنی‌ده داعش گروهی جنگریلریگه قرشی امریکا حربی کوچلری تامانیدن آتیلگن بمب‌لر آنه‌سی ناملی بمب، مملکت‌ده تورلی عکس‌العمل‌لرگه روپه‌ره بولدی و بو عکس‌العمل بیلدیریلگن‌لردن بیری مملکت سابق جمهور رییسی حامد کرزی ایدی.
امریکا حربی کوچلری‌نینگ بو ایشی‌نی قاره‌لگن مملکت سابق جمهور رییسی حامد کرزی، ملی بیرلیک حکومت باشلیغ‌لرینی ملی خیانت‌گه عیب‌له‌دی.
ترقه‌تیلگن گزارشلر اساسیده، بو هجوم‌ده داعش گروهی جنگریلریدن کمیده یوز ته‌سی هلاک ایتیلگن.
