گزارش‌لرگه کوره، ناتانیش قوراللی کیشی‌لر بوگون ایرتلب پاکستان‌نینگ بلوچستان ایالتی «مستونک» منطقه‌سیده یوللاووچی تاشیووچی ایکّی بس اوستی‌گه هجوم اویوشتیریب یوللاوچی‌لرنی اوققه توتکن‌لر.
ایتیلیشیچه، مذکور هجوم نتیجه‌سیده 30 یوللاوچی‌دن 20 ته‌سی هلاک ایتیلگن و باشقه بیرقطاری یره‌لنتیریلیب قوراللی کیشی‌لر تامانیدن اوغیرلنگن‌لر.
مستونک منطقه‌سی امنیتی مسؤول‌لری‌نینگ ایتیشیچه، قوراللی کیشی‌لر رقمی 15 دن آرتیق بولگن.
ایتیلیشیچه، اوغیرلنگن کیشی‌لرنی قوییب یوباریلیشی خصوصیده عملیات‌لر دوام ایتماقده.
اوز آتی فاش ایتیلیشی‌نی ایستمه‌گن امنیتی بیر بلند مرتبه‌لی رسمی‌گه کوره، اوغیرلنگن یوللاوچیلردن 5 ته‌سی قوییب یوباریلگن.
بلوچستان ایالتی‌نینگ ایچکی ایشلر وزیری سرفراز بکتی‌نینگ ایتیشیچه، مذکور ایکّی بس کراچی شهری تامان کیته دیگن بیرچاغ‌ده قوراللی کیشی‌لر آرقه‌لی توخته تیلیب یوللاوچی‌لری موتردن توشیریلگن‌دن سونگ اوققه توتیلگن‌لر.
جناب بکتی، مذکور ولایت‌نی امنیتی کوچ‌لری واقعه یوزبیرگن محل‌گه بارگن‌لیکلرینی ایتگن. او امنیتی کوچلر و قوراللی کیشی‌لر اورته‌سیده هنوز هم توقنشوو دوام ایتیشی‌نی بیلدیرگن.
بلوچستان ایچکی ایشلر وزیری، تروریست‌لرنینگ عملیاتی بوندن انچه کون آلدین امنیتی کوچلر تمانیدن بیکار ایتیلگن بیر چاغده واقعه عمل‌گه آشیریلگن.
حاضرگه قدر مذکور واقعه مسؤولیتی‌نی هیچ بیر گروهی اوز بوینی‌گه آلمه‌گن.
پاکستان باش وزیری نوازشریف، مذکور حادثه‌نی جدی صورت‌ده تیکشیریلیشینی ایسته‌ب و حکومت یوقاری مرتبه‌لی رسمی‌لرینی بو واقعه خصوصیده بلوچستان یوبارگن.
مذکور واقعه یوزبیرگنیدن کیین، پاکستان نینگ کراچی و کویته شهری یشاوچی‌لری ناراضی‌لیک نمایش‌‌گه قول اوریب حکومت‌دن مذکور واقعه عامل‌لرنی جزاله‌شینی سوره‌گن‌لر.
