د بلخ ولایت د عامې روغتیا ریاست مسوولان وايي، په دې ولایت کې پر کورونا ویروس دوه اخته کسان مړه شوي دي.
یاد ریاست کې د ساري ناروغیو د کنټرول مسوول فهیم شرفیار وايي، تېره شپه د مزار شریف ښار اوسېدونکی یو ۷۰ کلن او یو د دهدادي ولسوالۍ اوسېدونکی ۸۶ کلن سړی چې پر کورونا ویروس اخته شوي وو، مړه شول.
د نوموړي په وینا یادو کسانو ایران ته د تګ او راتګ مخینه هم نه لرله.
له دې سره په هېواد کې د کورونا ویروس له کبله د مړو شویو شمېر ۹ ته ورسېد.
د عامې روغتیا وزارت د معلوماتو له مخې تر اوسه پورې له دې ناروغۍ ۱۵ کسان روغ شوي دي.
