پيچکاري په افغانستان کې نه یوازې معیاري او له روغتیايي لارښوونو سره برابره نهده، بلکې ډېر لګښت هم لري.
د بلخ اوسېدونکیو له دې وضعیته د وتلو او د ناروغۍ له لېږد او بېځایه لګښتونو د مخنیوي لهپاره له نړېوالو معیارونو سره سم او د ترکي او افغان ډاکټرانو تر نظر لاندې، په ډلهییزه توګه ۵۰۰ ماشومانو ته پيچکارۍ ورکړې.
په بلخ او تخار ولایتونو کې د پيچکارۍ نړېوالې موسېسې د همغږۍ مسوول شریفالله شریفي وايي، په نړېواله کچه د پيچکارۍ ۴۰ ډلهییزو پروګرامونو له ډلې، دا ۷م پروګرام دی چې د پیچکارۍ نړېوالې موسېسې له لوري په افغانستان کې پلی کېږي.
د شریفي په وینا، تردې وړاندې ۴ پروګرامونه په تخار او ۲ نور په بلخ کې جوړ شوي وو چې پهکې ټولټال ۱۴ زره ماشومانو ته پیچکارۍ ورکړل شوي دي.
د دغو ډلهییزو مراسمو جوړوونکي هیلهمند دي چې افغانستان کې د پېچکارۍ تطبیق له زاړه دوده چې له کبله به یې د ناروغانو وینه تویېده او یو بل ته به ناروغۍ لېږدول کېدې، راووځي او له طبي او نړېوالو معیارونو سره سم وشي.
