تقاعد قیلینگن‌لر یاشلی و آز درآمدلی طبقه بولیب هردایم تقاعد ریاستی دهلیزلریده آواره بولیب یوره‌دیلر و بو اداره ده قاغذپرانلیک‌دن شکایت قیله‌دیلر. اولردن بیرقطاری، بو مرته حقوقلری وقتی‌ده توللنمه‌گنیدن شکایت قیلگن‌لر.
تقاعد قیلینگن‌لردن بیرقطاری نینگ سلام‌وطندارگه ایتیشیچه، ییل باشلنگنی‌دن 6 آی اوتماقده، بیراق حاضرگه‌قدر حقوقلرینی آلمه‌گنلر و هرمرته مستوفیت اداره‌سیگه مراجعت قیلگن صورتده، قولی بوش قیتیب کیته‌دیلر.
اوشبو تقاعد قیلینگن‌لردن بیری غلام‌سخی نینگ ایتیشیچه، « اهالی آقچه و شبرغان دن بلخ ولایتیده کیله‌دی، بیراق مستوفیت رسمی‌لری اولرنی رخصت قیله‌دی و پول یوق دیدی و بیرینچی رب پولی حاضرگه‌قدر کیلمه‌گن دیدیلر.»
بلخ ولایتی بوییچه مستوفیت ریاستی باشلیغی سیداکبر سروری نینگ تقاعد قیلینگن‌لر قیین‌چیلیک‌لرینی تصدیق‌لب ایتیشیچه، حاضرگه‌قدر تقاعد قیلینگن‌لردن 560 ته‌سی 1397- ییلده‌گی حقوقلرینی آلمه‌گنلر.
بلخ مستوفیت ریاستی مسووللریگه کوره، تقاعد قیلینگن‌لر حقوقلرینی توللنیش سیستمه‌سینی الکترونیکی توزه‌تیش لایحه‌سی ایکی ییل آلدین باشلنگن، بیراق حاضرگه‌قدر بو سیستمه عملی بولمه‌گن.
