ایکینچیلیک و چارواچیلیک وزیرلیگی نینگ بیر خبرنامه آرقه‌لی اعلان قیلیشیچه، بلخ ولایتیده 35 چارواچیلیک فارم فعالیت قیله‌دی و کونده 30 مینگ لیتر سوت تولید قیله‌دی.
بوگون "چهارشنبه" ایکینچیلیک و چارواچیلیک وزیرلیگی نینگ بیر خبرنامه آرقه‌لی ایتیشیچه، بلخ لبنیات، پاکیزه و سلطان تازه شرکت‌لری کونده بلخ ولایتی نینگ 14 تومنیدن توپله‌گن سوت‌نی پروسس قیله‌دی
خبرنامه‌ده ایتیلیشیچه، فارم صاحب‌لری گوشتی چاروالرنی هم تربیه قیله‌دی و 1700 چاروا تربیه‌لش بیلن بلخ ولایتیده نیاز بولگن گوشت‌نی تیارلیدی.
خبرنامه‌ده بلخ ولایتی بوییچه چاروالر ساغلیگی نینگ عمومی مدیری محمد رفیق صادقی دن نقل قیلینیب ایتیلیشیچه: « بلخ ولایتی بوییچه ایکینچیلیک ریاستی تامانیدن 120 مینگ واکسین تطبیق قیلینگن و شونینگدیک، 14 تومنده وترنری کیلینیک ایجاد بولگن.»
ایکینچیلیک و چارواچیلیک وزیرلیگی نینگ ایتیشیچه، بلخ ولایتیده کونده 95 مینگ تُن لبنیات ایشلب چیقاریله‌دی و بو جمله‌دن 30 مینگ تُن‌ی چارواچیلیک فارم‌لر و باشقه‌لری ایسه اهالی تامانیدن انفرادی شکلده ساتیله‌دی.
