بلخ ساغلیک ریاست مسئوللری نینگ ایتیش‌لریچه، ایکی کوندن بویان کرونا نی بیللی قیله‌دیگن کیتلر یکونلنگن.
اولرگه کوره، سونگی ایکی کونده مذکور ولایت سیناوخانه‌لریده بیللی قیله‌دیگن کیت یوقلیگی باعث، مملکت شمال و شمال شرق ولایت‌لریدن کرونا ویروسی توغریسیده 88 شبهه‌لی واقعه تیکشیریلمه‌گن.
بلخ ساغلیک ریاست باشلیغی خلیل‌الله حکمتی، قطار والی‌لر، قومندانلر و زوروانلرنینگ آره‌لشووی باعث بیللی قیله‌دیگن کیتلر یکونلنگن دیدی.
بوگون (یکشنبه 31- حمل) جناب حکمتی خبری بیر ییغین اوتکزیب ایتیشیچه، مذکور کیشیلر کرونا ویروسی نینگ سیناوخانه‌لریدن «مُد» شکلده فایده‌لنه‌دیلر و سیناو اوتکزیش اوچون سیناوخانه ایشلاوچی‌لری نینگ زورلب اوزلرینی تیکشیره‌دیلر.
بلخ ساغلیک ریاست باشلیغی نینگ ایتیشیچه، اوتگن هفته بیللی قیله‌دیگن کیتلر کم‌لیگیدن ساغلیک وزیرلیگی نی خبر قیلگنلر، بیراق حاضرگچه اوشبو ملزمه‌لر اولرگه ییتیشمه‌گن.
بلخ ده حاضرگچه 55 کیشی کرونا گه چلینگن کیم بولردن 5 ته‌سی هلاک و باشقه 3 ته‌سی ایسه دارولنگن. مملکتده کرونا ویروسی گه چلینگنلر رقمی 996 کیشی گه ییتشیگن.
