بلخ ولایتی‌نینگ یاش سوداگرلریدن بیری نیکزاد عثمانی، اوتگن کیچه مزارشریف شهری‌نینگ اوچینچی ناحیه‌سیگه تیگیشلی منطقه‌ده ناتانیش قوراللی‌لر تامانیدن اولدیریلگن.
بلخ پولیس قومندانلیگی خوفسیزلیک آمری عبدالرزاق قادری‌نینگ اییتشیچه، اوشبو یاش سوداگر کابل‌دن مزارشریف گه 3 میلیون و 400 مینگ دالرنی انتقال بیره‌دیگن چاغیده، مزارشریف شهری‌نینگ اوچینچی ناحیه‌سی اویی‌نینگ یولی‌ده هایلکس تیپلی موترگه مینیلگن قوراللی‌لر تامانیدن آتیب اولدیریلگن.
جناب قادری‌نینگ ایتیشیچه، اوشبو واقعه توغریسیده 4 کیشی پولیس تامانیدن قولگه آلینگن و اولرنینگ جرملریگه شریک بولگن‌لرنی قولگه آلیش و اوغیرلنگن پولنی قولگه کیریتیش توغریسیده تدقیقات دوام ایتماقده.
بلخ پولیس قومندانلیگی خوفسیزلیک آمریگه کوره، دلو آیی باشلنگنیدن بویان بو مذکور ولایتده 18- سِرلی قتل سنله‌دی و بو قتل‌لرنی عامل‌لریدن 10 کیشی قولگه آلینگن و قالگن کیشی‌لر هم قولگه آلینیشی اوچون سعی و حرکت دوام ایتماقده.
عین حالده، مزارشریف یشاوچیلریدن بیرقطاری سلام‌وطندارگه صحبت بیریب، مذکور ولایتده سِرلی قتل‌لر، جنایی جرملر، قوراللی اوغیرلاوچیلیک و تلیفون اوغیری کوپه‌یگنیدن شکایت قیلگن‌لر. یشاوچیلرنینگ ایتیشیچه، عطامحمد نور جمهورلیک ریاستی تامانیدن بلخ ولایت مقامیدن چیکلنتیریلگنیدن سونگ، ناتینچلیک‌لر کوپه‌یگن.
