جوزجان مرکزی شبرغان شهریده مخابراتی ترماقلر فعالیتی ایکی کوندن بویان طالبان تهدیدی باعث، توختهتیلگن و بو موضوع اهالینی خواطرگه سالگن.
جوزجان حاکمی مولوی لطفالله عزیزی نینگ سلاموطندارگه ایتیشیچه، مخابراتی ترماقلر نمایندهلیکلری مسوولانهسیز حرکت قیلیب اهالی آرهسیده خواطر ایجاد قیلگنی و انهشو سبب، مذکور ترماقلرنینگ بوتون نمایندهلیکلری باغلندی.
جوزجان پولیس قومندانی عبدالواحد وجدان نینگ بو خبرنی تصدیقلب سلاموطندارگه ایتیشیچه، اتصالات، افغانبیسم، روشن و ام تی ان مخابراتی ترماقلری بو مسوولانهسیز حرکتلری خصوصیده قناعتلی جواب قیترمهگن صورتده، فعالیت قیلیش اوچون رخصت بیریلمهیدی.
عینحالده، جوزجان یشاوچیلریدن بیرقطاری، ناتینچلیکلر کوپهیشی و مخاربراتی فعالیتلرنینگ طالبان و دولت تامانیدن توختهتیلیشیدن خواطر بیلدیریب و بو ولایت وضعیتی یمان بولهدی دیدیلر.
جوزجان ولایتی بوییچه مخابرات ریاستی باشلیغی محمدنسیم بلیغ نینگ سلاموطندارگه ایتیشیچه، دولتگه قرشی قوراللی گروهلرنینگ تهدیدلری سبب، خصوصی مخابراتی ترماقلر فعالیتی کیچه تاماندن شبرغان شهریده توختهتیلهدی.
بوتوغریده طالبان گروهی و مخابراتی ترماقلر مسووللری فکرینی آلیش اوچون سعی و حرکت قیلدیک، بیراق موفق بولمهدیک.
