.jpg)
بلخ ولایتی بوییچه صناعت و سوداگرلیک اتاقی تامانیدن، مذکور ولایتده ایکینچیلیک و صناعت محصولات‌لری نینگ کورگزمه‌سی یولگه قوییلگن.
اوشبو اتاق مسؤوللری، بو کورگزمه یولگه قوییلگنیدن مقصد، ایچکی محصولات‌لرنی اهالی تانیشتیریش، سوداگرلیک ترقیاتی، سرمایه یاتقزیش‌لرنی جذب ایتیش، ایکینچی‌لر و صناعت‌کارلر حمایت قیلینیشی و بو محصولات‌لر ساتیلیشی اوچون بازار تاپیش دییلگن.
بلخ ولایتی بوییچه صناعت و سوداگرلیک اتاق باشلیغی آرش یونسی نینگ ایتیشیچه، ناتینچلیک‌لر باعث، ایچکی سرمایه یاتقزیش میزانی کمه‌یگن و بونده‌ی کورگزمه‌لرنی یولگه قوییب ایچکی سوداگرلرنی سرمایه یاتقزیش گه آلقیش‌لیدیلر.
بلخ ولایتی بوییچه ایکینچیلیک ریاستی و آلمان همکارلیگی بیلن یولگه قوییلگن اوشبو کورگزمه‌ده شمال حوزه‌سی و قندهار، ننگرهار، کابل، تخار و بدخشان ولایت‌لری نینگ ایکینچی‌لری و صناعت‌کارلری سوت محصولات‌لری، ایکینچیلیک محصولات‌لری و قول ساخته‌لرینی 60 غرفه‌ده نمایش‌گه قوییشگن.
اوشبو 60 غرفه‌دن کوپینچه‌سی سوداگر عیاللرگه تیگیشلی بوله‌دی.
.jpg)
سوداگر عیاللر، ایکینچیلیک محصولات‌لری و قول ساخته‌لری گه بازار تاپیلیشی اوچون بونده‌ی کورگزمه‌لر یولگه قوییلیشی‌نی فایده‌لی دییشه‌دی.
مذکور عیاللر ناتینچلیک‌لرنی ایش و کوچلری گه قرشی اساسی قیین‌چیلیک دییشه‌دی و حکومت‌دن بو توغریده جدی آدیم‌لر کوتریشی‌نی طلب قیلیشگن.
اوشبو کورگزمه اوچ کونگچه کورووچیلرنینگ یوزیگه آچیق بوله‌دی.
عین حالده، بلخ ولایتی بوییچه صناعت و سوداگرلیک اتاقی مسؤوللری، بو ولایتده محصولات‌لر 50% کمه‌یگنینی بیلدیریب ایتیشیچه، ناتینچلیک‌لر و برق بهاسی یوقاری بولگنی باعث، کمیده 500 شرکت‌دن یالغیز بیرقطاری فعالیت قیلیشه‌دی.
شو توغریده…
جوزجانده محبوس عیاللرنینگ قول صناعتی‌نی بیرینچی کورگزمه‌سی یولگه قوییلدی
