شمالی بلخ ولایتی‌نینگ بلخ تومنی‌ده آلدیندن اورنه تیلگن ماین پارتلشی عاقبتیده 14 کیشی قربان بولدی. پارتلشده کمیده 36 انسان یره‌لنگنی ایتیله‌دی. حادثه تومن نینگ «خواجه قولیک» قیشلاغی‌ده روی بیرگن.
بلخ پولیس قوماندانلیگی‌نینگ سوزلاوچیسی شیرجان درانی، پارتلش اوتگن کون ساعت 4:30 دقیقه‌ده روی بیرگن دیدی. پارتلش عاشورا تعزیه‌چیلر اورته‌سیده روی بیرگن. اما، هنوزگچه هم حادثه‌نینگ تلفاتی حقیده انیق معلومات بیریلمه‌گن.
بلخ پولیس اداره‌سی نینگ سوزلاووچیسی، بو خصصوص‌ده تیرگاو باشلنگن دیگن.
مراز شریف ابن‌سینا حوزه‌یی ساغلیق‌نی سقلش اداره‌سی‌نینگ باش طبیبی خواجه نورمحمد فیض، حادثه ییریدن اوچ جسد و 25 یره‌لنگن کیشی آلیب کیلینگن لیگینی اظهار قیلگن.
جناب فیض‌گه کوره، تلفات سانی آشیشی ممکن.
شونینگدیک اوتگن کیچه کابل‌نینگ کارته سخی زیارت‌گاهیگه تورت هجومچی کیریب آلیب، عزادارلرنی اوققه توتیب، اون بیش انسانی اولدیریب 60 دن آرتیق کیشی‌نی یره‌لنتیرگن ایدی.
