مزارشریف شهریده ابوعلی سینای بلخی کسلخانه‌سی مسووللری‌نینگ ایتیشیچه، گاز توتیشی عاقبتیده، 4 کیشی جان بیرگن. اولرنینگ کوپه‌یتیریشیچه، اوشبو واقعه بلخ ولایتی نینگ دهدادی تومنیده یوز بیرگن.
ابوعلی سینای بلخی کسلخانه‌سی نینگ باش طبیبی دکتر نورمحمد فیض نینگ ایتیشیچه، بوگون "سه‌شنبه" ایرته‌دن چاغیده ایکی قیز و ایکی باله شامل بیر عایله نینگ 4 اعضاسی نینگ جسدی اوشبو کسلخانه‌گه انتقال بیریلگن. اونینگ ایتیشیچه مذکور کیشی‌لر گاز توتیشی عاقبتیده جان بیرگن‌لر.
جناب فیض‌گه کوره، هلاک ایتیلگن‌لرنینگ آنه و آته‌سی ضعف قیلگن و یمان وضعیت‌ده قرار تاپگنلر.
ایتیلیشیچه، کوپ قطار عایله‌لر قیش موسومیده اویلرینی ایسیق قیلیش اوچون زغال‌سنگ‌دن فایده‌لنه‌دیلر، بیراق استندرد و مناسب بخاری بولمه‌گنی باعث، کوپ قطار کیشی‌لرینی هلاک ایتیلیشی‌گه سبب بوله‌دی.
