بغلان ولایت ولایتی کینگش نینگ بیر اعضاسی اروپا دولتیده باش پنه ایزله‌گن. نامی فاش بولمسلیک شرطی بیلن سلام وطندارگه خبر بیرگن ولایت کینگشی نینگ اعضالریدن بیری، کینگش نینگ اعضاسی نورضیا ایماق اوزاق مدتدن بیری کینگش نینگ ییغینلرده اشتراک قیلمهی اورپا دولتلریدن بیریگه باش پنه سوره‌گن دیدی.
اونینگ سوزلریگه کوره کینگش نینگ باشقه بیر اعضاسی هم اروپا دولتلریدن بیریده باش پنه سوره‌ش اوچون اولگورگن. بغلان ولایت کینگشی نینگ باشلغی اسدالله شهباز خانم ایماق نیچه آیدن بیری کینگش گه کیلمس لیگینی تصدیق ایتدی. لیکن، او بو خصوصده کوپراق معلومات بیرمه‌گن.
بانو ایماق نینگ نیچه وقتدن بیری کینگش گه کیلمس لیگینی اعتراف قیلگن کینگش نینگ کاتبی محمد حنیف کهگدای، اونینگ ایشدن آلینیشی اوچون محلی مستقل ارگانلر اداره‌سیگه نیچه مرته نامه یوباریلگن دگن. لیکن، بوخصوصده هنوز عملده تدبیر آلینمه‌‌گن دیگن او. جناب کهگدای، قانونگه موافق خانم ایماق نینگ اورنیگه باشقه بیر کیشی تعیین بولیشی کیره کدیگن.
اما، محلی ارگانلر مستقل اداره‌سی نینگ کینگشلر ایشلری بوییچه عمومی ریاست نینگ باشلیغی سعیداحمد خموش، خانم ایماق اوچ آیدن بیری وظیفه ده بولمه گن لیگی خصوصیده ولایت مدنی فعاللری آرقه لی خبر بولگن لیکلرینی تصدیق ایتگن.
او، مساله یاروتیشی اوچون بغلان ولایت کینگشی گه نامه یوبارگن لیکلرینی تیلگه آلگن. محلی ارگانلر مستقل اداره سی نینگ کینگشلر ایشلری بوییچه بولیمی باشلیغی، ولایت کینگش نینگ هر بیر اعضاسی کینگش اداره سینی جریانگه قویمه‌‌ی 20 غیر حاضرلیک قیلگن اعضا قانونگه موافق وظیفه دن آلینهدی دیدی.
بیراق، نورضیا ایماق نینگ سینگلیسی نماینده لر مجلسی اعضاسی ناجیه ایماق سینگلیسی اورپا دولتلریدن بیریگه باش پنه ایزله‌گنلیگینی رد قیلگن.
