مملکت شمالیده جایلشگن بغلان ولایتی نینگ یشاووچیلری، دهنه غوری تومنی قیته‌دن جنگری طالبلر تامانیدن تصروف ایتیلگن سونگ بو گروه آرقه‌لی جدی ازیت بولگن لیکلرینی ایتگنلر.
فرزندلری حکومت بیلن همکار بولگن خانه‌دانلرنینگ عایله اعضالری قوراللی طالبلر آرقه‌لی کلتکلنگن لیگی تیلگه آلینه‌دی. شونینگدیک بغلان ولایتی نینگ نماینده‌لر مجلسی‌ده‌گی بیر قنچه وکیللری، جنگری طالبلر اشغالیگه اوتگن منطقه‌لر قیته‌دن حکومت کنترولی‌گه آلینیشی اوچون دولت تامانیدن هیچ قنده‌ی کوزگه کورینرلی بیر ایش بولمه گنلیگینی تیلگه آلگنلر.
بغلان ولایتی نینگ دهنه‌غوری تومنیدن آوار بولگن محمدالله و نظرگل‌لر سلام‌وطندار ترماغیگه بیرگن صحبتده، دهنه غوری دوباره طالبان اشغالیگه اوتگندن کیین تومن اهالیسی بو گروه تامانیدن قتیق تعقیب ایتیلگن لیکلرینی بیلدیرگنلر.
ولایت نینگ تومنیده یوز بیرگن اوروش نتیجه‌سیده هنوزگچه منگلب خانه‌دان قوشنی تومنلرگه آواره بولگن لیگینی تیلگه آلگن بغلان یشاووچیلری. شونینگدیک بولر، تومن جنگریلردن تازه له‌نیشی اوچون حکومت تیزلیکده چاره تدبیر کورمه‌گن حالده، دهنه‌غوری تومنی نینگ خلقی ولسواللیک‌نی بوتونلی ترک قیله دیلر دیگنلر.
عین حالده، بغلان اهالیسی نینگ سنا مجلسی‌ده‌گی وکیلی، جنگری طالبلر تصروفیگه اوتگن منطقه‌لر قیته‌دن آلینیشی اوچون حکومتنی بی فرقلیک‌که عیبله‌گن. مملکت‌نینگ بیر قنچه ولایتلریده اوروش دوامی بارلیگی‌گه اشاره قیلگن وکیل، بغلان نینگ کوپینچه منطقه‌لری قوراللی طالبلر طرفیدن اداره ایتیله دیگن.
اما، بغلان‌ده حربی عملیاتنی باشقره دیگن شعورگل، حاضرگی کونده ولایت نینگ دندغوری تومینده حربی تازه‌لش عملیات جریانی بار دیگن. اونینگ سوزلریگه قره‌گنده، یقین کیله‌جکده دهنه غوری دولت قوراللی مخالفلریدن تازه لنه‌دی.
دهنه غوری تومنی بغلان ولایت مرکزی پلخمری شهریگه اینگ یقین تومنلر جمله‌سیدن. بو تومن ایکّی آیدن بیری دولت قوراللی مخالفلری آرقه‌لی کنت
رول ایتیله‌د‌ی. شونینگدیک دهنه غوری ولسواللیگی جنگری گروه‌لر اشغالیدن آزاد ایتیلیشی اوچون محلی حکومت مسووللری هم هیچ قنده‌ی چاره تدبیر کورمه‌گنلر.
