بوگون «یکشنبه» کابل‌ده بغلان مدنی فعاللریدن بیرقطاری، نمایشی بیر حرکت‌ده مذکور ولایت‌نینگ تابوتی‌نی کوترگن‌لر.
بغلان مدنی فعاللری‌نینگ ایتیشیچه، بو تابوت‌نی جمهورلیک ریاستی‌گه آلیب باریب و جمهور رئیس‌دن بغلان ولایتی‌گه دقت قیلیشی یا-ده بو ولایت‌نینگ فاتحه‌سی اوقیلیشی‌نی سوره‌یدیلر.
بغلان مدنی فعاللریدن بیری بشیر آخندزاده نینگ ایتیشیچه، بو تابوت‌نی بغلان ولایتی‌نینگ قوتقریش اوچون جمهورلیک ریاستی‌گه آلیب باره‌دیلر.
اونگه کوره، ناتینچلیک، تینگ‌سیز رواجلنتیریش، اوروش و بغلان ولایتی‌نینگ اوقیمیش‌لی یاشلری اوچون ایش یوقلیگی بغلان یشاوچیلری‌نینگ اساسی قیین‌چیلیک‌لریدن سنله‌دی.
بغلان مدنی فعاللریدن باشقه بیری عبدالقدوس نینگ ایتیشیچه، ولایت‌لری‌نینگ قیین‌چیلیک‌لرینی جمهور رئیس‌گه ییتکزیش اوچون باشکینت گه کیلگن‌لر.
بغلان مملکت شمالی‌ده ناتینچ ولایت‌لردن بیری سنله‌دی. بغلان مدنی فعاللریگه کوره، حاضرگه‌قدر مذکور ولایت گه هیچ قنده‌ی دقت قیلینمه‌گن.
