بغلان ولایتی دندغوری اهالیسی‌نینگ ایتیشیچه، حربی کوچلر اهالی‌نینگ تورر بناسی‌گه بولگن قرشی راکته هجوم‌لرینی توختمه‌گن حالده، اهالی حکومت‌گه قرشی عصیان کوتاره‌دی دیگن‌لر.
مذکور اهالی‌گه کوره، منطقه ده افغان ملی کوچلری قوراللی طالب‌لر بیلن بولگن اوروش‌ده اهالی یشش بنالرینی هجوم آستی‌گه آلیب، اهالی جانی بیلن اوینیدی‌لر.
دندغوری ولسوال‌لیگی‌نینگ قوم یاش اولوغلریدن حاجی محب‌الله احمدزی نینگ ایتیشیچه، بوگون ایرتلب دن هنوزگچه مذکور راکت هجوم‌لری نتیجه‌سیده اون آلتی عیال و گودک تن جراحتی آلگن و باشقه اوچ کیشی هلاک بولگن.
احمدزی‌گه کوره، 2000دن آرتیق خانه دان نا برقرارلیک‌لر سبب اوز یشش اوی جایلرینی ترک قیلگن.
او، حکومت ملی کوچلر آرقه‌لی اهالی یشش بنالریگه قره‌ته آلته دیگن راکت‌لر آلدینی آلمه‌گن حالده، اوشبو منطقه‌نینگ اهالی‌سی حکومت‌گه قرشی عصیان کوتاره‌دی دیگن.
اما، بغلان امنیتی مسوول‌لریگه‌کوره، ملی کوچلر قوراللی طالب‌لر بیکینیب ملی کوچلرنی هجوم آستی‌گه آلگن منطقه‌لرنی هجوم‌گه توتگن‌لر.
دندغوریده قوراللی طالب‌لر و ملی کوچلر اورته‌سیده‌گی اوروش قوراللی طالب‌لر مرکزی بغلان‌گه هجوم‌لرینی کوچلنتیرگن بیر وقت‌ده شددت لشگن‌لیگی ایتیله‌دی.
