بغلان-بلخ قتناو یولی اوز حالی گه قوییب یوباریلگن. آتی فاش ایتیلیشی‌نی ایستمه‌گن نیچه امنیتی منبع نینگ ایتیشیچه، نیچه وقت آلدین، مذکور قتناو یولده امنیتی کوچلرنینگ نیچه پوسته‌سی طالبان گروهی‌نینگ قولی‌گه سقوط قیلگن؛ امنیتی کوچلر مذکور پوسته‌لرنی قیته‌دن نظارت گه آلگن، بیراق هیچ قچان پوسته‌لرده جایلشمه‌گن‌لر.
شونینگدیک، بغلان ولایت کینگشی باشلیغی محمدصفدر محسنی نینگ ایتیشیچه، بغلان-بلخ قتناو یولیده طالب‌لر نیچه چیکلاو ایجاد قیلگن. جناب محسنی گه کوره، بغلان ولایتی‌نینگ قتناو یول پولیسی‌نی رهبرلیک تشکیلاتی‌أه اوزگریش کیریتیلگنیدن سونگ، مذکور قتناو یولده ناتینچلیک کوپه‌یگن.
عین حالده، بغلان یشاوچیلری قتناو یولده ناتینچلیک‌لر کوپه‌یگنیدن شکایت قیلیب ایتیشیچه، قوراللی طالب‌لر مذکور ولایت‌نینگ قتناو یولیده نیچه چیکلاو ایجاد قیلیب و اهالی‌نی تیکشیره‌دی.
اولرنینگ ایتیشیچه، دولت مسؤولیت‌لی کیشی‌لرنی اساسی پست‌لردن تبدیل قیله‌دی و شونینگدیک، حربی‌لر اهالی خواطرینی کمه‌یتیریش اوچون اولرگه یالغان ایته‌دیلر.
بیراق، بغلان پولیس قومندانلیگی سوزلاوچیسی ذبیح‌الله شجاع، بغلان-بلخ قتناو یولیده دولت گه قرشی قوراللی عصیانچیلرنینگ فعالیتی و حضورینی تَن آلیب ایتیشیچه، دولتی کوچلر مذکور قتناو یولنی خوفسیزلیگی تأمین‌لنیشی اوچون عملیات یولگه قویگن‌لر. جناب شجاع گه کوره، دولتی کوچلر سیلاو کونلرینی خوفسیزلیگی تأمین‌لنیشی اوچون قتناو یوللردن تکتیکی شکلده آرقه گه چیکیلگن‌لر.
شونده‌ی بیرحالده، بوگون بغلان-بلخ قتناو یولیده طالب‌لر ایکی تیل تانکری‌نی اوتگه یاندیرگن. بغلان ولایتیدن آتی فاش ایتیلیشی‌نی ایستمه‌گن امنیتی بیر منبع نینگ ایتیشیچه، بوگون ایرته‌لب بغلان-بلخ قتناو یولی‌نینگ قلعۀ‌نو منطقه‌سیده طالب‌لر 2 تانکرنی اوتگه یاندیریب و یولنی ترافیک یوزیگه باغله‌گن. شونینگدیک، منبع نینگ کوپه‌یتیریشیچه، طالب‌لر باشقه ایکی تانکرنی و هیداوچیلرینی اوزلری بیلن آلیب کیتگن.
