.jpg)
بغلان ولایتی‌نینگ مرکزی بغلان تومنی‌ده طالب‌لرگه قرشی اوروش میدانی‌ده‌گی ملی پولیس عسکرلریدن بیرقطاری، مذکور تومن‌ده طالب‌لرگه قرشی اوروش اوچون پوسته و ییترلیچه امکانیت یوقلیگی‌دن شکایت قیلگن‌لر.
اولرنینگ ایتیشیچه، کمیده اون آی آلدین، مرکزی بغلان تومنی‌ده قوللریدن کیتگن پوسته‌لرینی طالب‌لردن قیتریب آلگن‌لر، بیراق بو پوسته‌لر ویرانه‌گه اَیله‌نیب قالگن.
سلام‌وطندار بیلن صحبت اوتکزگن عسکرلرنینگ ایتیشیچه، بو ساووق موسوم‌ده امکانیت سیز خیمه تیکیب پوسته قورگن‌لر. اولرنینگ آگاه‌لنتیریشیچه، مرکزی حکومت بو قیین‌چیلیک‌که دقت قیلمه‌گن صورتده، قطار عسکرلر ساووق‌دن جان بیریش‌لری ممکن.
.jpg)
اوشبو عسکرلردن ایکی کیشی ذبیح‌الله و جمعه‌خان‌نینگ ایتیشیچه، قوراللی طالب‌لر فرصت‌دن فایده‌لنیب ایریم پیت‌لرده اولرنینگ پوسته‌لری اوستیگه هجوم قیله‌دیلر و اولرنینگ سیس‌سیز قورال اوقی‌گه توسیق بوله‌دیگن هیچ بیر باش پناه‌لری یوق دیر.
مذکور عسکرلرگه کوره، خیمه‌دن قوریلگن پوسته‌لر مرکزی بغلان تومنی خوفسیزلیک قومندانی‌نینگ شخصی بودجه‌سیدن ایجاد ایتیلگن. اولر ویرانه‌گه اَیلنگن پوسته‌لر قیته قوریلیشی و بو تومن‌ده معیاری پوسته‌لر ایجاد ایتیلیشی‌نی سوره‌گن‌لر.
مرکزی بغلان تومنی‌نینگ خوفسیزلیک قومندانی محب‌الله، بغلان امنیتی رسمی‌لریدن جدی تنقید قیلیب ایتیشیچه، نیچه مرته اولردن پولیس اوچون پوسته و باش پناه ایجاد ایتیش‌لرینی سوره‌گن، بیراق حاضرگچه کیم‌سه دقت قیلمه‌گن.
بو موضوع توغریسیده بغلان ولایتی‌نینگ خوفسیزلیک قومندانلیگی مسؤوللری‌نینگ فکرینی اورگه‌نیش اوچون علاقه قوردیک، بیراق اولر سوزله‌ش‌گه حاضر بولمه‌دیلر.
