.jpg)
قوراللی طالب‌لر بغلان ولایتی‌نینگ پلخمری شهری سرخ‌کوتل منطقه‌سی اوستیگه هجوم اویوشتیریب، اوشبو منطقه‌ده بودایی‌لرگه تیگیشلی معبد‌نینگ ایریم قسمت‌لرینی نابود ایتگن. اوشبو مذهبی زیارتگاه (2000 دن 2500 ییل آلدین) کوشانی‌لرنینگ پادشاه‌سی کنشکا دوررانی‌دن قالگن.
اوشبو زیارتگاه عادی بیر اتاققه اوخشه‌یدی، فرقی شوکه تورت چیک‌که‌سیده یوقاری گنبذلر قوریلگن و اوشبو اتاق‌نینگ دیوارلری‌نی تورت تامانی‌ده بودا هیکل‌لری و تاریخی ایدیشلر موجود.
بغلان ولایتی مدنیت و معلومات ریاستی مدنی میراث‌لرنی سقلاوچی آمری کریم‌الله رحیمی، اوشبو موضوع‌نی تصدیق‌لب، ولایت محلی مسؤول‌لرینی ایش سیزلیک‌که عیب‌لب ایتیشیچه، 0-12 پولیس قطعه‌سی 8 ییل‌دن بویان اوشبو زیارتگاه‌نی سقلش‌گه مسؤول ایکن، کمیده 7 کون قوراللی طالب‌لر قورشاویده قالگن و اولرگه حربی جهاز ییتیشمه‌گنی‌دن کیین، بو زیارتگاه قوراللی طالب‌لرنینگ نظارتی‌گه اوتگن.
.jpg)
جناب رحیمی‌نینگ کوپه‌یتیریشیچه، سرخ‌کوتل‌ده باشقه کوپینچه تاریخی آبده‌لر موجود و حکومت، مذکور منطقه‌نی قیته‌دن نظارت‌گه آلیش اوچون بی‌فرق یانده‌شگن صورتده، طالب‌لر اوشبو منطقه‌ده‌گی باشقه تاریخی آبده‌لرنی نابود ایته‌دی. اونینگ ایتیشیچه، اوتگن هفته مرکزی بغلان تومنی چم‌قلعه تاریخی آبده‌سی هم قوراللی طالب‌لرنینگ نظارتی‌گه اوتگن و بو تاریخی آبده بوزیلگنی توغری‌سیده حاضرگچه گزارش ترقه‌تیلمه‌گن.
بغلان امنیه قومندانلیگی سرپرستی و امنیت آمری عبدالرشید بشیر اوشبو خبرنی تأیید قیلیب ایتیشیچه، سرخ‌کوتل‌نی قیته‌دن نظارت‌گه آلیش اوچون عملیات یولگه قوییلگن و تیزلیک‌ده اوشبو منطقه امنیتی کوچلرنینگ نظارتی‌گه اوته‌دی.
جناب بشیرگه کوره، اوتگن بیر کیچه و کوندوزده اوتکزیلگن عملیات نتیجه‌سیده 15 طالب هلاک بولیب و باشقه 16 جنگری طالب یره‌لنگن.
بغلان ولایتی مدنیت و معلومات ریاستی رسمی‌لری‌نینگ سرخ کوتل‌ده‌گی زیارتگاه تاریخی توغری‌سیده ایتیشیچه، اوشبو زیارتگاه میلاد دن 2 الی 5 عصر ایلگری‌گه باریب تاقیله‌دی؛ بو منطقه‌ده کوشانی‌لر امپواطورلیک قیلگن.
