بغلان ولایتی‌نینگ مرکزی بغلان ولسوال‌لیگی‌نینگ یوزلب اهالیسی ولایت همده ایکینچی‌لیک فاکولته‌سی بناسی پلخمری شهریگه کوچیریلگنی اوچون اعتراض بیلدیریب قندوز، تخار و بدخشان ولایت‌لری عمومی یولینی باغله‌گنلر.
مذکور اعتراضچی‌لر حکومت‌دن ولایت و ایکینچی‌لیک فاکولته‌سی بنالرینی قیته‌دن مرکزی بغلانگه کوچیریب آلیب کیلیشینی ایتگن‌لر؛ اعتراضچی‌لرنینگ ایسته‌گی مرکزی دولت تامانیدن انابت‌گه آلینمه‌گن حالده، ناراضیلیک‌لریگه دوام بیریش‌لری باره‌سیده آگاهلنتیرگن‌لر.
اعتراضچیلرگه کوره، سونگی ییل‌لرده مرکزی دولت ایریم مساله‌لر اوچون بغلان یشاوچیلری ایسته‌گینی نظرده توتمی اهالی حقی‌گه ظلم قیلگن.
اعتراضچی‌لردن مهندس زهیر، بولرنیچه مرته مذکور موضوع توغریسیده مرکزی حکومت‌نینگ بلند مرتبه‌لی رسمیلری بیلن صحبت قیلگن‌لر، لیکن حکومت‌نینگ اوشبو مسؤوللری هنوزگه بو حقده بیرار ایش قیلمه‌گن دیگن.
جناب زهیرنینگ آگاهلنتیریشیچه، ملی بیرلیک حکومتی‌نینگ رهبرلری مساله اوچون اعتبار قره‌تمه‌گن حالده، بغلان ولایت بناسی ایشیگی‌نی باغلی‌دی‌لر.
اعتراضچی‌لر بیلن کیلیشیش اوچون مرکزی بغلانگه بارگن ولایت اورین بارسری قدیم نیازی و پولیس خوفسیزلیک آمری عبدالرشید بشیر، فاکولته قیته‌دن اوشبو ولسوال‌لکه کوچیریلیب کیلیشی اوچون وعده بیرگن‌لر؛ اما ولایت مقامی کوچیریلیب کیلیشی اوچون جمهور رییس بیلن گپله‌شیشلری لازم. محلی حکومت رسمیلری قرارینی تن آلمه‌گن اعتراضچی‌لر جمهور رییس تاماندن جواب آلمه‌گونگه قدر ناراضیلیک نمایشگه دوام بیریشنی تیل‌گه آلگن‌لر.
بغلان ولایت اداره‌سی بوندن 26ییل آلدین نابرقرارلیک‌لر باعث وقتینچه‌لیک مرکزی بغلاندن پلخمری شهرگه کوچیریب باریلگن.
