سالنگ‌لرنی سقلش و اداره قیلیش مسؤولی جنرال رجب‌نینگ سلام‌وطندارگه ایتیشیچه، اوتگن کیچه خنجان تومنی‌ده یاغگن قتیق یامغیرلردن کیلیب چیقگن سوو تاشقین لری نتیجه سیده، کابل- شمال قتناو یولی ترافیک اونگیده یاپیلگن.
اونگه کوره، اوشبو خیابان‌نی تازه‌لش ایشی دوام ایتماقده و قیته‌دن یامغیر یاغمه‌گن تقدیرده، قتناو یول بوکیچه ترافیک اونگیده آچیله‌دی. جناب رجب، یولاوچی‌لردن خیابان آچیلیشی‌گه‌قدر چیده‌شلرینی سوره‌دی.
بغلان‌ده یوزبیرگن سوو تاشقین‌لری، اولتیریش اولتیریش اویلر و ایکینچیلیک ییرلرگه هم زیان ییتکیزگن.
مذکور ولایت طبیعی حادثه‌لرگه قرشی کوره‌شیش اداره باشلیغی محمدنصیر کهزادنینگ ایتیشیچه، سوو تاشقین‌لری نتیجه‌سیده، 120 دن آرتیق اوی و کوپینچه ایکینچیلیک ییر ویرانه‌گه ایلَنگن.
اونینگ کوپه‌یتیریشیچه، طبیعی حادثه‌لرگه قرشی کوره‌شیش اداره‌نینگ ایش گروهی سوو تاشقین‌لریدن زیان کورگن‌لرنی تانیش اوچون سعی و حرکت قیلماقده و تیکشیروولری یکونلنگنی‌دن کیین، زیان کورگن‌لرگه یاردم بیریله‌دی.
بغلان ولایتی طبیعی حادثه‌لرگه قرشی کوره‌شیش اداره مسؤول‌لری‌نینگ رقم‌لری اساسیده، شونینگ‌دیک ایکی کون آلدین، مذکور ولایت‌نینگ دهنه غوری و نهرین تومن‌لریده یوزبیرگن سوو تاشقین‌لری نتیجه‌سیده، ایکی یوزدن آرتیق اوی ویرانه‌گه اَیلَه‌نیب و اونلرچه چاروا تَلَف بولگن.
