بغلان یشاووچیلری همده مدنی فعاللر، مسوولیتی بولمهگن کیشیلرگه قورال – ییراق ترقهتیب بیریش جریانینی توختتمهگن حالده، ولایت خلقی همده حکومت اوچون یامان نتیجه قالدیریشی ممکن دیگنلر.
بغلان مدنی جماعه چیلیک ترماغی نینگ مسوولی سید عارف عابد، مسوولتی بولمهگن شخصلر ولایت محلی حکومت تامانیدن قورال – اسلحه قولگه کیریتگن لیکلرینی تیلگه آلگن. اوشبو قوراللنگن کیشیلر اهالیگه همکارلیک قیلیش اورنیده خلققه زیان ییتکزهدی دیگن جناب عابد.
مردمی کوچ فعالیتیگه جدی احتیاج بارلیگینی تصدیق لهگن بغلان ولایت والیسی سوزلاووچیسی محمود حقمل، اوتگن بیر ییل ایچیده نابرقرالیکلر آشیشی آرتیدن ولایت نینگ امنیتی ادارهلر رسمیلری، طالبلرگه قرشی فعالیت قیلیشده ملی کوچلر یانیده ولایت یشاووچیلرینی حمایت قیلیش توغریسیده قرار قبول قیلگن ایدی دیگن.
مرمی کوچنی حمایت قیلگن ایچکی ایشلر وزیرلیگی نینگ سوزلاووچیسی صدیق صدیقی، مسوولیتسیز کیشیلرگه قورالل – ییراق ترقه تیلگن لیگینی رد قیلگن. اونینگ سوزلریگه قرهگنده، امنیتی مسووللر هیچ بیر ولایتده مسوولیتسیز کیشیلرگه قورال – اسلحه ترقهتیب بیرمیدی.
سونگی بیر آی جریانیده بغلان ولایتی نینگ ایریم تومنلریدهگی مردمی کوچ اوز ارا توقنشوولرده کوپراق تینچ اهالیگه زیان ییتکزگن لیکلری ایتیلهدی.
ایتیلیشیچه، حاضرگی کونده مذکور ولایتده مردمی کوچ نامی آستیده چمهسی 4مینگ حربی فعالیت آلیب بارهدی.
