طالبلر بغلان‌ده امنیتی کوچلرنینگ تأمین‌لاوچی کاروان اوستیگه هجوم قیلیب و بو کاروان نینگ نیچه موترینی اوزلری بیلن آلیب کیتگن.
مرکزی بغلان تومنی اهالیسی نینگ ایتیشیچه، اوتگن کون طالبلر جنگل باغ منطقه‌سیده امنیتی کوچلرنینگ تأمین لاوچی کاروان اوستیگه هجوم قیلگن.
محل اهالیسی، طالبلر امنیتی کوچلرنینگ کییم – کیچک و ییگولیک آذیق اوقت یوکلنگن موترلرینی اوتده یاندیرگنلر و حربی جهاز یوکلنگن نیچه موترنی اوزلری بیلن آلیب کیتگنلر.
شونینگدیک، مملکت ایچکی ایشلر وزیری تاج محمد جاهد، امنیتی کوچلرنینگ تأمین لاوچی کاروانی اوستیگه هجوم اویوشتیریلگنی‌نی تصدیقلب، طالبلرنینگ اوشبو هجومی نتیجه‌سیده حربی کییم یولنگن نیچه موتر اوتده یانگن و حربی جهاز و اوسکونه آرتیلگن موترلرنی امنیتی کوچلر، قندوزگه ییتکیزگن.
مرکزی بغلان تومنی یشاوچیسی جمال‌الدین نینگ سلام وطندارگه ایتیشیچه، قوراللی طالبلر اوتگن کون مرکزی بغلان تومنی‌گه تیگیشلی جنگل باغ منطقه‌سیده بغلان‌دن قندوز تامان باره یاتگن امنیتی کوچلرنی تأمین لاوچی کاروان اوستیگه هجوم قیلگن.
عین حالده، نیچه کوندن بیری طالبلرنینگ قملی‌ده قالگن قطار عسکرلرنینگ ایتیشیچه، حکومت اولرگه یاردمچی کوچ و ییگولیک آذیق آوقت یوبارگن صورتده، اولر کوچلری باریچه اوروشه دیلر.
طالبلرنینگ قملی‌ده بولگن عسکرلر، بغلان محلی حکومتی‌نی تفاوت سیزلیککه عیب‌لب ایتیشیچه، حکومت حاضرگچه اولرنی آزاد ایتیش اوچون هیچ بیر ایش قیلمه‌گن.
بغلان ولایتی نینگ قرغان تپه‌سیده قمل‌ده قالگن ایکی عسکر مجتبی و نظیف الله لر وضعیتلریدن توغریسیده نالیب گپیرگن: «دولت مونچه توپ و طیاره بیلن نیمه دردگه تیگه دی. بیزلرنی ایسته گیمیز دولت‌دن شو دیر کیم، بیزلرگه حربی جهاز و ییگولیک آذیق آوقت یوبارسین، بیزلر اوروشه میز.»
بیراق، بغلان حاکمی عبدالستار بارزنینگ ایتیشیچه، قرغان تپه منطقه‌سیده طالبلرنینگ قملی‌ده قالگن عسکرلرنی قوتقریش اوچون یاردمچی کوچ یوباریلگن و بوگون کیچ گچه قمل‌دن چیقاریله دیلر. بغلان محلی رسمیلری نینگ کوپه‌یتیریشیچه، امنیتی کوچلر، بوگون شنبه توش‌ده، مرکزی بغلان تومنی نینگ 12- سرکی و جرخشک منطقه‌سیده طالبلرنینگ نظارتی‌ده بولگن ایکّی امنیتی پوسته‌نی قیته‌دن نظارت‌گه آلگنلر.
بغلان امنیه قومندانی امیرگل حسن‌خیل نینگ ایتیشیچه، بغلان – قندوز قتناو یولی شو حاضر امنیتی کوچلرنینگ نظارتی‌گه اوتگن.
