بغلان‌ده سنتی قالین توقیش صنعتی، افغانستان بویلب نیچه پیت آلدین صادر ایتیله‌دیگن مهم کالالردن بیری سنلردی. اما شو سونگی ییللرده، بو صنعت آغیر ضرر کورگن و کوزدن توشگن.
بغلان‌لیک قالین توقیچوولرنی ایتیشلریچه، دولت بو صنعت‌نی یوکسه‌لیب – اوسیشی اوچون هیچ بیر ایش قیلمه‌گن. قالین توقیچوولر نینگ ایتیشیچه، بو صنعت کوزدن توشیشی اصلی عاملی مناسب بازار بولمه‌گنی و افغانستان قالینی باشقه اولکه‌لر نامیده دنیا بازارلریده ساتیله‌دی و بو ایش افغانستان قالینی اوچون ییریک صدمه کیلتیرگن دیدیلر.
قالین سوداگرلری هم قالین صنعتیدن دولت حمایت قیلمه گونگه قدر، دنیا بازارلریده بو چیرایلی قالین ساتیلیشی باره‌سیده
حرکت قیلمسه، قول صنعتی جمله‌دن قالین رکود حالتی‌دن چیقیشی ناممکن دیب بیله‌دیلر. سوداگرلرگه کوره، بغلان‌ده قالین توقیش صنعتی نابود بولیش عرفه‌سیده لیگی، بو ولایتده ۱۰ مینگدن آشه ایرکک و عیالنی ایش سیز بولیشیگه سبب بوله‌دی.
اولکه‌ده ۴۰ ییل اوروشدن پاکستان افغانستان قاچقینلرینی اوزیگه آلیب، قالین توقیش صنعتی‌نی اوز نامی‌گه آلیب و بو حرکتی بیلن پاکستان قالینی خلق ارا نام قازاندی. افغانستان صنعت‌چیلری نینگ ایتیشلریچه، حاضر هم افغانستان‌ده توقیلگن قالین پاکستان باره‌دی و یوییب –پاکستان مارکی اوریلگندن سونگ، دنیا بازارلریده صادر ایتیله‌دی.
قالین سوداگرلری، تشقی ماشینی قالینلرنی اولکه گه کیلتیریلیشی افغانستان صنعتی‌گه آغیر صدمه کیلتیرگن. شو حاضرهم ایران، پاکستان و تورکیه اولکه لریدن افغانستان بازارلریده ماشینی قالینلر کیلتیریله‌دی دیدیلر.
برچه قیین‌چیلیکلر و امید سیزلیکلر بارلیگی بیلن حاضرهم تورکمنی، اوزبیکی، بلوچی و چوبرنگ قالینلری افغانستان نامیدن دنیاده نام قازانگن صنعت دیر.
اولکه یشاوچی‌لریگه کوره، افغانستان قالینی نینگ بهاسی یوقاری بولگن‌لیگی و یشاوچی‌لر اقتصادی وضعیت‌لری یخشی بولمه‌گنلیگی سبب، ماشینی قالینلرنی ایسکی آنه فرشلری اورنیده استفاده قیلسه‌لر.
