 - Copy 1.jpg)
بغلان ولایتی عیال‌لر ایشلری بوییچه اداره‌نینگ باشلیغی خانیم خدیچه یقین‌نینگ بوگون پنج شبنه ایتیشیچه، محلی قوم یاش اولوغ‌لریدن بیری تورموش اورتاغی‌نی باشقه بیر کیشی بیلن جنسی علاقه‌سی بارلیک‌ده گمان قیلیب اولدیرگن.
شونینگ‌دیک اولدیریلگن شخص‌لر سونگ تاش کومدی قیلگن. ایتیلیشیچه، مذکور ایرکک بیلن خاتین بغلان ولایتی‌نینگ ده صلاح ولسوال‌لیگی سنگبران قیشلاغی‌نینگ اهالی‌سی بولگن.
اوشبو شخص‌لر تاش کومدی ایتله‌دیگن چاغده محل اهالی‌سی هم تماشا اوچون اشتراک قیلگن. بغلان ولایت خاتین قیزلر ایشلری بوییچه اداره‌نینگ ریسی‌گه کوره، مذکور خاتین اوشبو ایرکک بیلن تیلفونی علاقه‌سی بولگن.
شونینگ‌دیک بو خانیم اوشبو شخص بیلن قاچیش نیتی هم بولگن.
سنگبران قیشلاغی‌نینگ پولسی مذکور قوم یاش اولوغی قول‌گه آلینیشی اوچون سعی و حرکت باشاله‌گن.
بوندن ایکی کون آلدین هم بغلان ولایتی‌ده بیر ایرکک خاتینی تیشلب اولدیرگن ایدی. شونینگ‌دیک بیر آی آلدین هم بیر کیشی تورموش اورتاغی نی خنجان ولسوالیگی‌ده اولدیرگن ایدی. بو قبیل حادثهلر بوندن بیر هفته آلدین ولایت خاتین قیزلر ایشلری بوییچه اداره باشلیغی ولایت بویلب عیاللرگه قرشی زوروانلیک میزانی 26% کمیگن لیگینی بیلدیرگن بیر چاغده یوز بیرماقده.
