بوگون پنج‌شنبه بغلان ساغلیق‌نی سقلش مرکزینینگ اونلب داکتری پولیس همده محلی زوروان کیلیشیلرنینگ نادرست یانده‌شگن‌لیکلریگه عکس‌العمل بیلدیریب ایش تشله‌گنلر.
اعتراضچیلر، پولیس همده قوراللنگن کیشیلر امنیتی حربیلرنینگ یره‌لنگنلرنی ساغلیق‌نی سقلش مرکزیگه آلیب کیلن دیگنده داکترلرنی تهدید قیله دیلر دیگنلر. یره لنگن کیشی عالم‌دن اوتگن حالده، شفاکارلر پولیس تامانیدن اولدیریلیشی هم امکاندن اوزاق ایمس لیگی ایتیله‌دی.
اعتراضچی داکترلرنینگ سوزلریگه کوره، بوندن آلدین هم بغلان ساغلیق‌نی سقلش مرکزینینگ قطار داکترلری امنیتی کوچلر تامایندن کلتکلگنلر. اما، مساله توغریسیده تیگیشلی اداره‌لرنی جریانگه قویگن حالده، اولر فقط عذر سوره‌ش بیلن موضوعگه پایان بیرگنلر.
اوشبو داکترلر ایش مصونیتی بیریلیشی‌نی طلب قیلگنلر. شونینگدیک اولر ولایت‌نینگ امنیتی اداره‌لر مسووللریدن هر قنده‌ی اوز باشیمچه‌لیک حاللری آلدی آلنیشی‌نی سوره‌گنلر.
بغلان پولیس قوماندانلیگی‌نینگ امنیت آمری امیرگل حسن خیل، ایریم حاللرده ساغلیق‌نی سقلش مرکزینینگ داکترلری ملی پولیس کوچلری طرفیدن کلتکلنگن لیگی‌نی اعتراف ایتیب، حادثه نینگ عامللری جدی تیرگاو ایتیلیب جزاگه تاپشیریلگن لیگیلرینی بیلدیرگن.
اونینگ سوزلریگه قره‌گنده، بغلان پولیسی خلق‌نینگ خذمتی‌ده و داکترلرنینگ امنیتی تامین بولیشی هم پولیس‌نینگ بیرینچی وظیفه‌سی حسابنله‌دی.
شونینگدیک ولایت داکترلری امنیتی اداره‌لر تامانیدن ایش مصونیتی جدی انابت‌گه آلینمه‌گن تقدیرده، ولایتده‌گی بوتون شفاخانه‌لرنی یاپیشلری حقیده آگاهلنتیرگنلر.
